Wikimedia Armenia Extraordinary General Assembly/Voting
 |
| Վիքիմեդիա Հայաստանի արտահերթ համաժողով |
| Գլխավոր էջ |
| Ընտրության կարգ |
| Ժամանակացույց |
| Թեկնածուներ |
| Համակարգողներ |
| Արդյունքներ |
| Հարցեր |
Ընտրության կարգ
[edit]Վիքիմեդիա Հայաստանի արտահերթ համաժողովը հրավիրվել է կազմակերպության գործադիր մարմնի նախաձեռնությամբ՝ համաձայն կանոնադրության 6․4․ կետի 4-րդ ենթակետի։ Այն տեղի է ունենալու առցանց ձևաչափով դեկտեմբերի 2-ին և 3-ին։ Համաժողովի նպատակն է նոր խորհրդի ձևավորումը։
Արտահերթ համաժողովի օրակարգային հարցերն են՝
- օրակարգի հաստատում և ընտրության ձևաչափի որոշում,
- հաշվիչ հանձնաժողովի անդամների ընտրություն,
- արտահերթ համաժողովի նախագահողի և քարտուղարի ընտրություն,
- խորհրդի անդամների ընտրություն։
Արտահերթ համաժողովը տեղի է ունենալու առցանց և տևելու է դեկտեմբերի 2-ից 3-ը։
1-ին օրը կազմակերպության անդամների քվեարկությամբ որոշվելու է համաժողովի օրակարգի հաստատումը, ընտրության ձևաչափը (բաց կամ փակ), ընտրվելու են հաշվիչ հանձնաժողովի անդամները, արտահերթ համաժողովի նախագահողն ու քարտուղարը։ Թեկնածուները պետք է առաջադրվեն այս էջում։
2-րդ օրը կազմակերպության անդամների քվեարկությամբ ընտրվելու են խորհրդի անդամները։
Քվեարկության բաց լինելու դեպքում ընտրությունը կատարվելու է հետևյալ կերպ՝
Քվեարկության իրավունք ունեցող բոլոր անդամների պաշտոնական էլեկտրոնային հասցեին ուղարկվելու է նամակ, որտեղ լինելու է քվեարկության համար նախատեսված Google Form-ի հղում։ Այդտեղ նշվելու են քվեարկության դրվող օրակարգային հարցերը։ Արտահերթ համաժողովի 1-ին օրվա ամփոփումից հետո արդյունքները բաց տեսքով հրապարակվելու են և հասանելի լինելու բոլորին։
Քվեարկության փակ լինելու դեպքում ընտրությունը կատարվելու է ElectionBuddy առցանց ծրագրով։
Արտահերթ համաժողովի 1-ին փուլի մեկնարկի և քվեարկության մասին կազմակերպության անդամները էլեկտրոնային նամակի տեսքով կստանան ծանուցում մեկնարկի նախօրդ օրը։ 2-րդ փուլի մեկնարկի և քվեարկության մասին կազմակերպության անդամները էլեկտրոնային նամակի տեսքով կստանան ծանուցում մեկնարկից առաջ՝ 1-ին փուլի արդյունքների ամփոփումից հետո։
1-ին փուլ՝ 2021 թվականի դեկտեմբերի 2-ին՝ ժամը 00։01-ից մինչև դեկտեմբերի 2-ը՝ ժամը 20։00-ը, տեղի է ունենալու օրակարգի հաստատում, քվեարկության ձևաչափի որոշում, հաշվիչ հանձնաժողովի անդամների ընտրություն (առավելագույնը՝ 3 հոգի), արտահերթ համաժողովի նախագահողի և քարտուղարի ընտրություն։
2-րդ փուլ՝ 2021 թվականի դեկտեմբերի 3-ին՝ ժամը 00։01-ից մինչև դեկտեմբերի 3-ը ժամը 23։59-ը տեղի է ունենալուԿազմակերպության խորհրդի անդամների ընտրություն։ Արտահերթ համաժողովի ավարտից հետո արդյունքները ամփոփվելու են, և հրապարակվելու են խորհրդի նոր անդամների անունները։