Täschnek/Rondschrihve/2016/10

This page is a translated version of the page Tech/News/2016/10 and the translation is 100% complete.

De wöschentlesche Täschnesche Rondschrihve hällefe, de neuste Äntweklonge vun de ẞoffwäer un Projramme met_ze_krijje, woh ed johd müjjelesch es, dat di eine sällver beröhre, udder Minsche, met dänne mer em Ömväld vum Wikkimehdija ze donn hät. Abonnehre, Beijdrahre udder Röckmäldonge jävve.

Dat heh es et neuste täschnesche Rondschrihve uß de Täschnekerjropp vun de Wikkimehdija Schteftong. Sidd esu johd un dohd de anndere Metmaacher doh dröver ennfommehre un maht se op de Veränderonge opmärksahm. Künnt sinn, nit alles betreff jehder_eijn. Mer han och noch mih Översäzonge.

Neuste Änderonge

Datteije op Wikkimehdija Commons künne jäz zwai GB jruhß sin. Beßheer wohr et eij GB. [1]
„Wellkumme“-„Meddeijlonge“ han jäz en annder Beld als Kännzeijsche derbei, wat de Wikkipehdija ob Änglesch alt hatt. [2]
De ẞöövere em Knubbel, dä en de Wikkimehdija-Schtefftong Eqiad heijß, sin jäds op de Väsjohn 8 (jenannt Jessie) vum Bedriefsüstehm debian ömjeschtallt wohde. Der ein udder anndere hät sesch dohderwähje neu ennlogge möße. [3]
Ed es jäz eijfacher jewohde, neu huhjelahde Bellder op Wikkimehdija Commons en Saachjroppe ze pake, wam_mer met dä Äpp vum Bedrihfßsüßtehm Android ongerwähs es. [4]
Nackijje Aanjahbe vun Eijeschaffte en Befähle em HTML wähde jäz en HTML5-Mannehr verschtannde. För e Beijschpell, <pages from= to= section=1> weed als <pages from="to=" section="1"> verschtannde un nimmih als <pages from="" to="" section="1">, wi mer et jewennd wohr. Doht allso <pages from="" to="" section=1> udder <pages section=1> schrihve. Dat betreff wascheinlesch en de Houpsaach de Wikkiwööterböhscher. [5]

Problehme

Dä Phabricator wohr zeläz jädd waggelesch aam loufe. Dat sullt jäz verbeij sin. [6]
Dat API för de Sigge ier Affrohfe zeijsch verkehrte Dahte för Sigge met ußjefalle Zeische en der Övversschreff. [7]
Di HTML-Änderong vun bovve hädd för en jruhße Zahl Sigge, vör allem en de Quällewikkis, kappodde Enhallde aanzeije lohße. [8]
Mer kann em Momang verkeht fommattehrte Lenks zom Sigge beärrbeijde fenge. Op mobihle Jerähte kann och ed Ennhallzverzeijschneß vun Sigge verkihrt sin. Dat sulld ävver bahl behovve sin. [9]
Schablohne, di de SchablohneDahte benöze un mem VisualEditor beärrbeijdt woodte, künnte Problehme maache, wam_mer dänner iere Wikkitäx beärreijde well. Dat kam_mer ömjonn, wam_mer se norr_ens mem VisualEditor opmääd un der ohne en Veränderong faßhallde löht. [10]

Veränderonge, di diß Woch kumme

Meddeijlonge övver de Jränze vun Wikkis eruß wähde vum zehnte Määz aan zom Ußprobehre op alle Wikkis ze han sin. Mer kann dann en Meddeijlong krijje, wann sijj obb enem anndere Wikki vun de Schtefftong jät deiht. [11]
De neuje Väsjohn vum MehdijaWikki küdd op de Wikkis zom Ußprobehre un op MediaWiki.org vum aachte Määz aan. Op alle Wikkis ußer de Wikkipehdija kütt se vum nüngte Määz aan. Op alle Wikkis vun de Wikkipehdija kütt se vum zehnte Määz aan. Dat kam_mer sesch och em Kaländer belohre.
De Reijsewikkis krijje et Zohsatzprojramm Kartographer. Dat määt de Befähle <mapframe> un <maplink> en Sigge müjjelesch, woh mer bedehnbahre Landkaate met zohsäzlejje Aanjahbe un ongerscheidlejje Makkehronge met kritt. Mer kann Idehje un Vörschlähsch op de Klaafsigg övver de Kaate donn. Wäm_mer Fähler fengk, deiht mer se em Phabricator enndrahre un met dä Kännonge #kartographer and #maps makkehre. [12]

Träffe

Mer kann beim nähkßte Träffe vun de Ärbeidsjropp vum VisualEditor metmaache. Op däm Träffe kam_mer de Äntwekler verzälle, wat de weeschteschste Fähler ov Onvullkummeheite sin, di noch reparehrt wähde möße. Mer treff sesch aam aachte Määds em Johr 2016 öm aach Uhr ohvends (UTC). Mer behde orr_en Sigg, di säht, wi mer derbeikumme un metmaache kann.

Wadd en der Zohkonnef noch verändert wähde sull

De bonte Knöbb en de Bedehnbovverfläsche wähde schpachtahnescher. Schtatt wihß, ruhd, jröhn, un blau, jidd et en Zohkonnf blohß noch wihß, ruhd, un blau. [13]
De Ärbeidsjropp för de täschnesche Bedrief vun de Wikkimehdija-Schtefftong es aam plahne, jädd aan de ẞöövere ze donn, aam zweijenzwanzeschßte Määz. Dat künnt Problehme met sesch bränge. Künnt sinn, dat mer för en koote Zigg en de Wikkis lässe, ävver nix veränndere kann. Dat Dattom künnt sesch noch änndere. [14]

De wöschentlesche Täschnesche Rondschrihve wähde zerrähsch jefröhnßeld vun de täschnesche Bottschaffter un verdeijld pä Bot • Beijdrahre • Övversäzze • Hölp holle • Rökmäldonge afjävve • Abbonnehre udder Afbeschtälle.