Месец на украинската културна дипломатија
Месец на украинската културна дипломатија е уредувачки натпревар посветен на подобрување на опфатот на украинската култура на Википедија на разни јазици. Натпреварот го приредува Викимедија Украина во соработка со Украинскиот институт и Министерството за надворешни работи на Украина.
Замислата на Месецот на украинската културна дипломатија е зголемување и распространување на информации за културата на Украина и нејзините истакнати личности на што повеќе википедии со цел покачување на квалитетот и обемот на слободни содржини за Украина ширум светот. На Википедија недостасуваат статии по најразлични теми, па така овој натпревар им овозможува на уредниците да ги подобрат статиите за културните појави важни за украинскиот народ на било кој јазик.