User:CKoerner (WMF)/TemplateStyles approach/ast

Activar una carauterística útil pa los editores de plantíes

Bones.

Al equipu que trabaya en TemplateStyles (estilos de plantíes) na Fundación Wikimedia gustaría-y activar TemplateStyles nesta wiki.

TemplateStyles ye una función que permite que los non alministradores escriban y alministren estilos CSS pa les plantíes. Permite que los usuarios qu'editen plantíes estremen el conteníu de la presentación. Ye una bona práctica na web que fai más cenciello xestionar l'estilu de les plantíes. Si nun edites plantíes, esto nun va tener impactu dalgunu nes tos contribuciones.

TemplateStyles ye útil por delles razones.

• Fai posible que les plantíes funcionen meyor nos móviles.
• Acaba col tracamundiu sobre n'ónde aplicar regles CSS.
• Anguaño la edición de CSS ta acutada a alministradores, lo que ye una barrera importante a la participación.
• Toles fueyes d'estilu tienen de cargase pa toles páxines (úsense o non na páxina), lo qu'esperdicia anchu de banda y fai más abegoso depurar les regles d'estilu.

Puedes ver más información sobro TemplateStyles en MediaWiki.org. Tamién tenemos documentación técnica.

Esta ye una carauterística opcional y naide ta obligáu d'usala, pero afalamos que la utilicen los editores de plantíes. Comunícanos nel alderique si tienes dalguna esmolición. Si nun hai problemes vamos activar la carauterística'l 9 d'agostu.

Gracies.