WikiGap

WikiGap

Sonong kinorikatan id WikiGap! Mamaso Wikimedia Sverige om koombolutan Wikimedia kinoyonon om nogi sukarelawan do mamalan montok papaharo piipiro edit-a-thon Wikipedia poingompus toun 2023 pointongkop pomogunan, id suang piuhupan miampai kedutaan Sweden om organisasi kinoyonon di suai. Iti nopo nga toun koonom do poonjulon o WikiGap. Montok ababayan nokopogulu, sukuo' o liwang 2018, 2019, 2020, 2021, om 2022.

Mangalap o #WikiGap do kaampayatan di ogumu om mogikaakawo, om papasaga pintingubasan kinoyonon kumaa tema koinsanai montok monolibamban ga'ang koulunon om ga'ang suai i mionit miampai kopogisuayan id Wikipedia.

Unsubon o koombolutan Wikimedia montok mampayat WikiGap om miuhup miampai Kedutaan Sweden id pogun sondii om nogi monokodung edit-a-thon i manahak panatalan kumaa goos mangantob ga'ang koulunon id Wikipedia id suang mogisuusuai o boros. Romut di Eric toi ko' Josefine id Wikimedia Sverige (pointounda Tontolu-Kukuak 7-16 UTC). Intangai nogi FAQ kokomoi WikiGap, om dokumentasi mantad ababayan nokopogulu.

Nokopomonsoi nogi yahai do tituduk/tapanai kokomoi laang manarampos ababayan WikiGap maya di osonong. Pambasa miampai potilombus!

Nokopongulud no ababayan WikiGap o piipiro tinimungan Wikimedia id kakadayan-kakadayan pointongkop pomogunan. Montok nuludan ababayan global ii no soboogian mantad kimpin WikiGap, intangai nuludan ababayan om poilango kointalangan (butiran) nu sokiro papaharo ko ababayan WikiGap, moi kaanu yahai rumomut dia.

Montok popokito bagas dahai, pointounda o kimpin WikiGap id Dashboard Program & Ababayan montok popouhan kotoinaan om kopogintangan toinsanan ababayan id suang mogisuusuai boros. Montok mampayat kimpin diti, pomonsoi ababayan montok ababayan kinoyonon nu, i kaanu momoruhang oinsanan ababayan nu id suang WikiGap. Patatapo' liwang ababayan nu id homewiki om poruhango kointalangan id suang boros nu. Milo dumopitar o mamampayat miampai monodos noputan pomodopitaran di pinoilang.

Montok monguhup dia mogihum tua pomusarahan, minopotounda yahai do tituduk/tapanai montok mongintutun artikel oponsol ii aiso id Wikipedia id suang boros nu. Milo ko nogi mogintong piipiro nuludan artikel kitema om terkurasi do hiti!

Poimbida montok WikiGap, nawangun no WikiGapFinder! Monguhup WikiGapFinder dokoyu mogihum artikel kokomoi tondu id suang iso boros nga au po haro id boros suai. Ongoi id kakamot.

Kiwaa piipiro inisiatif ogingo di suai montok popoingkawas kotongkopon Wikipedia kokomoi tongoondu di oponsol. Milo ko mongintong nuludan komprehensif laang koguraon Wikimedia mamaramit tondu. Piipiro poomitanan kohompit no:

• Wiki Loves Women, i pinaanjul do Wiki in Africa om pinoindalan do komuniti Wikimedia pointongkop Afrika.
• #VisibleWikiWomen, pinaanjul do Whose Knowledge
• Wiki4Women, pinaanjul do UNESCO om Yayasan Wikimedia

Countries where WikiGap has been organized