Befräiet Bassel/Massen-Ättergjuchte/Prouwe-Oustämmenge tou dän "Befräiet Bassel"-Bonner
Düt is ne Ättergjucht, ju sik troalt uum dän foarsloainen "Befräiet Bassel"-Bonner 2015. Uursättengen sunt ferföichbeer.
Gouden Dai, älkunaan,
Hiermäd skällen aal do Wikimedia-Bruukere Beskeed kriege, dät ne Prouwe-Oustämmenge, ju dien Bedeeligenge säkt, juust ap Meta-Wiki begind wuude.
As wäkke fon jou wildääge al wieten, häd n litjen Koppel fon Wikimedia-Fräiwilligere ne Bonner-Kampagne ploand uur ju drokke Loage fon uus Mee-Wikipedioaner, Äntwikkeler fon Open-Source-Software un Akticist fon Creative Commons, Bassel Khartabil. N foarbieldhoaftigen Bonner un ne Ferkloorengs-Siede sunt nu tougjuchte moaked un fon fräiwillige Uursättere in sun hoolich Duts Sproaken uursät wuuden.
Wie säike dien Bedeeligenge, uum tou äntskeeden, of ju waareldwiede Wikimedia-Sälskup billiget, dät ne Bonner-Kampagne begind wäd, ju do Wikipedia-Leesere bidded, fon ju syriske Regierenge ju Fräiläitenge fon Bassel uut dät Pieson tou aaskjen. Wie ferstounde, dät dät suk ne Kampagne in ju Geskichte fon Wikipedia siläärge roat häd; dät is die Gruund, uum dän wie ju grootst-muugelke Uureenkumst monken ju Sälskup säike.
As wie Bassel sien drokke Loage sjo un dän äntstoundenden drokken Tied-Ploan, bidje wie älkunaan, sik oun ju Oustämmenge un ju Diskussion tou bedeeligjen un dät so fuul as muugelk, un dät in sien oaine Sälskuppe so bolde as muugelk tou ferspreeden.
Dät waas uurspröängelk ap Ängelsk skrieuwen, wie bidje uum Uursättenge in noch moor Sproaken.
Fuul Tonk foar dien Bedeeligenge!
Düt kumt fon dän MediaWiki-Ättergjuchte-Tjoonst.