Wikimedia Blog/Drafts/Wikimedia Bangladesh encouraging local school going students to use Wikipedia for their benefit/lad

From Meta, a Wikimedia project coordination wiki
Jump to navigation Jump to search
Outdated translations are marked like this.

Posted Oct 1 2015

Other languages:
Deutsch • ‎English • ‎Ladino • ‎español • ‎português • ‎русский • ‎українська • ‎العربية • ‎मैथिली • ‎हिन्दी • ‎অসমীয়া • ‎বাংলা • ‎ଓଡ଼ିଆ • ‎中文

Title ideas

  • Wikimedia Bangladesh enkoraja elevos de lisé para uzar la Vikipedya para el su provecho
  • Wikipedia awareness programs drive Bangla Wikipedia usage

Summary

A brief, one-paragraph summary of the post's content, about 20-80 words. On the blog, this will be shown in the chronological list of posts or in the featured post carousel on top, next to a "Read more" link.

  • Wikimedia Bangladesh (WMBD) organiza programas en lisés de Bangladesh yamados «Programas de konosensya de la Vikipedya». Estos programas eran desenyados para enkorajar a los elevos prinsipalmente para kitar provecho de la Vikipedya i otros prodjektos Wikimedia, ma no a kriar editores. Estos programas eran organisados en medyo de las fiestas por el 10° anyo de la Wikipedya en bengali i es la prima vez ke son kriados evenementos ensima de la Vikipedya en lisés.

Body

Elevos del lisé Agrabad Government Colony de la sivdad de Chittagong aziendo la «W» del programa. Foto deMotiur Rahman Oni, Wikimedia Commons, kon lisensya libbera basho CC-BY-SA 4.0.

Como parte de la erensya de las fiestas por el 10° anyo de la Vikipedya en bengali, la komunita Wikimedia en bengali i Wikimedia Bangladesh —el kapitolo de este payis— organizamos programas de konosensya en diferentes lisés del payis.

Elevos del lisé Rajshahi Collegiate School. Foto de Nahid Sultan, Wikimedia Commons, kon lisensia libbera basho CC-BY-SA 4.0.


De los nueve programas, tres eran organisados en Daka, katro en Chittagong, uno en la upazila de Patgram i uno en Rajshahi. Vikipedistos, maestros i organizasyones kulturalas dieron ayudo en la organizasion de los evenementos, kada uno de los kualos yego a tener unos 70 estudiantes de nueveno a dodzeno anyo de eskola. Los djurnales de todo el payis amostraron los evenementos, ainda djurnales komo Prothom Alo.[1]

Elevos ke izieron parte del evenemento en Patgram. Foto de Nahid Sultan, Wikimedia Commons, publikada basho lisensia libbera CC-BY-SA 4.0.
Elevas de la seksiyon de mansevas del lisé Agrabad Government Colony High School. Foto de Motiur Rahman Oni, Wikimedia Commons, publikada basho lisensia libbera CC-BY-SA 4.0.

Peskisas echas antes de kada evenemento konfirmaron ke kaji la mitad de los partisipantes no tenian konosensya de la Vikipedya i ke una sinkena parte pensava ke era un prodjekto de Google. Uno de cada diez elevos pensava ke la Vikipedya aresivia paras de alkun governo i los demas no dieron otras repuestas. Tomando en konta estos resultados, se komprende solo una chika parte de los elevos pueden editar en la Vikipedya.

Konsiderando esto, el empesijo de kada evenemento tinia una chika akdama ala Vikipedya i a los otros prodjektos de Wikimedia, la emportansya ke tienen para los sus estudios i komo uzarlos de manera efektiva kon el modre de tener informasion —konosensya para los miles de elevos bangladeshis ke agora pueden ver la internet en kamaretas de estudio kon komputers fraguados por el governo en los lisés de todo el payis. Mas ainda, era aklarado ke no solamente egziste la Vikipedya en inglez. La Vikipedya en Bengali krese kada diya en la lingua de eyos.

Estos programas de edukasiyon amijoran direktamente la lektura de la Vikipedya entre los elevos. Esta es una de las metas prinsipalas de Wikimedia Bangladesh, deke kreyemos ke si keremos muchiguar la kantidad de editores, kale muchiguar la kantidad de lektores. La mayor parte de los editores de la Vikipedya en bengali son elevos de lisés i universitas, ama una grande parte de los elevos oy endiya no uza la Vikipedya.

Ya tenemos un resultado emportante: un grupo de la Vikipedya se konformo enel lisé Shaheed Police Smrity School. Es kudiado por un maestro i enel azen parte elevos kon entereso en todos los nivelos. La muestra esperansa es ke estos programas enkorajen a los elevos para kitar provecho de la Vikipedya i endemas maestros para muchiguarlos en las proksimas anyadas.

Nahid Sultan, Direktor de Liasiones kon la Komunita,
Wikimedia Bangladesh

  1. Los evenementos eran organisados en los lisés Shaheed Police Smrity School, Motijheel Government Boys' High School, Agrabad Government Colony High School, Chittagong Collegiate School and College, Government Muslim High School, Government Science College Attached High School, i Rajshahi Collegiate School. El evenemento en Patgram era organisado enel sentro komunitario de la sivdad en la upazila de Patgram en Rangpur. Los partisipantes de este evenemento eran eskojidos por modre de una seleksiyon echa por Vikipedistos de Patgram. Un total de 120 elevos de sesh diferentes lisés yegaron a los kursos.

Notes

Ideas for social media messages promoting the published post:

Twitter (@wikimedia/@wikipedia):

(Tweet text goes here - max 117 characters)
---------|---------|---------|---------|---------|---------|---------|---------|---------|---------|---------|------/

Facebook/Google+

  • ...