Викимедиа блогы/Яҙмалар/Танышығыҙ — Эмна Мизуни — “Йыл Викимедисы 2019”

From Meta, a Wikimedia project coordination wiki
Jump to navigation Jump to search
Outdated translations are marked like this.

Таныш булығыҙ— Эмна Мизуни — “Йыл Викимедисы 2019”

Emna WikiIndaba.jpg

«Йыл викимедисы - 2019» исеменә ирекле ғилемде популярлаштырыусы тунислы активист Эмна Мизуни (франц. Émna Mizouni‎) лайыҡ булды. Премия 2019 йылдың 18 авгусында Стокгольмда, Викимания-2019 конференцияһының тантаналы ябылыу пленар сессияһында тапшырылды. Эмна Тунистың бай мәҙәниәтен һәм тарихын танытыуҙа арымый-талмай эшләүе, ғәрәп һәм африкалылар йәмғиәттәрен илһамландырыусы ғәмәлдәре, халыҡ-ара Викимедиа хәрәкәтенең үҫешенә файҙалы булған өлгөһө һөҙөмтәһендә һайлап алынды.

Эмна тыуғандан алып ошо атамалағы дәүләттең иң эре ҡалаһы һәм баш ҡалаһы булған Туниста йәшәй. Стратегик әһәмиәткә эйә Урта диңгеҙҙең Көнбайыш һәм Көнсығыш төбәктәре сигендә урынлашыуы арҡаһында Тунис Испания, Төньяҡ Африка һәм Корсика яры буйында урынлашҡан тораҡ пункттарыннан торған Карфаген дәүләтенең баш ҡалаһына әүерелә. Б.э.т. 164 йылда ҡала емерелә, әмма Өмәүиҙәр хәлифәте заманында ҡабаттан көс йыя — иҫке ҡалалағы күпселек биналары нәҡ шул осорға тура килә.


Күп быуаттар уҙыуға, "Ғәрәп яҙы" ваҡиғаларынан һуң Эмнаға илдең төрлө ерҙәрендә булырға тура килә. Тунис халҡының күпселеге илдең бай тарихын белмәүен асыҡлай ул. Был хәлде үҙгәртеү өсөн, арҡаҙаштары мелән 2013 йылда Карфагина (ингл. Carthagina; twitter) исемле коммерцияға ҡарамаған ойошмаға нигеҙ һала Эмна.

Был ойошманың эшмәкәрлеге аша бөгөнгө халҡыбыҙ һәм киләсәк быуындар файҙаһына милли мираҫ һәм тарихыбыҙҙы һаҡлауға, яҡлауға һәм танытыуға өлөш индерергә тырышабыҙ.

— Эмна Мизуни

Был маҡсаттарга өлгәшеүҙә Карфагина Викимедиала үҙенә партнер таба. Вики-проекттар менән хеҙмәттәшлек Эмна өсөн 2013 йылғы «Вики һәйкәлдәрҙе ярата» бәйгеһенән башлана. Элекке быуындар беҙгә тапшырған мәҙәни инфраструктура объекттарына бағышланған был халыҡ-ара фотографиялар конкурсы сиктәрендә ул үҙе төшөргән һурәттәрҙе һала, башҡаларҙы да шулай эшләргә күндерә.

Артабанғы бер нисә йыл дауамында Эмна ҡуян ояһына[1] оҡшаған Викимедиа хәрәкәтенә — уртаҡ идеалдарға табан барыуҙа үҙенең ирекле өлөшө менән ярҙам итеүсе ойошмалар һәм шәхестәрҙең глобаль йәмғиәтенә — тәрәнерәк сума бара. Ижтимағи коммуникациялар һәм маркетинг өлкәһендә эшләү тәжрибәһе арҡаһында, Эмнаның иғтибары күпселеккә күренмәгән, әммә туҡтамайынса ҡатмарлаша барған ойоштороу эшмәкәрлегенә тартыла.

Мин күҙгә күренмәгән лидер концепцияһына ышанам. Был донъялаа һәр беребеҙ инде ҡеүәтле булған Викимедиа йәмғиәте эшмәкәрлеген тағын да көсәйтә ала. Үҙ потенциалымды һәм оффлайнда эшләү һәләтемде генә ҡулландым мин.

— Эмна Мизуни

Эмна бер нисә эре конференцияны ойоштороуға үҙ өлөшөн индерҙе

  • 2015 йылда ғәрәп телле Википедия мөхәррирҙәре үҙ коллегалары өсөн үткәргән беренсе ВикиҒәрәбстанға (ингл. WikiArabia)
  • һуңыраҡ Ҡаһирәлә 2017 йылда уҙған икенсе конференцияһына;
  • 5 көнлөк Викимания-2018 конференцияһының бар пленар сығыштарҙы, секцион бүлектәрҙең һәм башҡа осрашыуҙар тәртибен планлаштырған һәм ойошторған Программа комитетының рәйестәше ролен башҡарған. Шулай уҡ, 2016 йылда ул Викимедиа хәрәкәтенә ҡушылыу комитеты (ингл. Affiliations Committee) ағзаһы була һәм 2018 йылда уның рәйес урынбаҫары вазифаһына һайлана. Бер нисә тиҫтә тауыш биреүсенән һәм тауыш биреү хоҡуғына эйә булмаған консультанттан тороусы был комитет Викимедиа хәрәкәте берләшмәләренең (англ. Wikimedia movement affiliates) рәсми ҡушылыу процессын алып барыу һәм Викимедиа Фондының Бағыусылар Шураһына (ингл. Wikimedia Foundation Board of Trustees) рекомендациялар биреү өсөн яуаплы.

Бөгө Эмна Туниста һәм уның күрше илдәрендә вики-марафондар, практик семинарҙар һәм башка Викимедиа сараларын ойоштороу буйынса эшмәкәрлеген дауам итә. Карфагинаның президенты булып та тора, шул уҡ ваҡытта, ойошманың идеалдарына нигеҙләнеп, цифрлы мөхит һәләттәрен үҫтерү һәм Интернет именлеге мәсьәләләре буйынса социаль яҡтан зәғиф төркөмдәр (ингл.marginalized groups) һәм ММС-тар менән эш итеүсе «Цифрлы ватандашлыҡ» (ингл. Digital Citizenship) коммерцияға ҡарамаған ойошмаһын нигеҙләй.

Мәҙәниәт һәм тарихтан тыш, файҙам тейәсәк башҡа, айырыуса контент һәм ресурстар етмәгән, өлкәләр менән дә танышырға тура киләсәк миңә.

— Эмна Мизуни

Эд Эрхарт, өлкән мөхәррир, ижтимағи бәйләнештәр бүлеге.
Викимедиа Фонды

«Йыл викимедисы» бүләге йыл һайын Викимедиа проекттарына һәм уларға үҙ өлөшөн индереүсе ирекмәндәргә бағышланған Викимания конференцияһы дауамында Википедияны нигеҙләгән Джимми Уэйлс тарафынан бирелә. Быйылғы Викимания-2019 ябыу сараһында Джимбо менән сәхнәгә Татарстанда йәшәүсе рәсәйле «Йыл викимедисы 2018» Фәрхәд Фәтҡуллин сыҡты.

Был яҙма иң элек CC BY-SA 3.0 лицензияһы буйынса эшләгән Викимедиа Фонды веб-сайтында 2019 йылдың 18 авгусында донъя күрҙе.

*Был яҙманың рус телле версияһы иң элек 2019 йылдың 21 авгусында CC BY-SA 2.5 лицензияһы шарттары буйынса эшләгән Рус ВикиЯңылыҡтары сәхифәһендә тәржемә ителә, мөхәррирләнә һәм баҫтырыла.

Шулай уҡ ҡарағыҙ

  • Эмна Мизуни ВикиЙыйынтыҡта.
  • [[Special:CentralAuth/Emnamizouni|Эмна Мизуниҙың глобаль вики-өлөшө].
  • Эмнаның Викимания-2019 конференцияһының ябылыу сараһындағы "Йыл Викимедисы 2019" булараҡ иғлан ителеүенән һуң сығышы (2019 йылдың 18 авгусы, Стокгольм университеты).

Иҫкәрмәләр

  1. Ҡуян ояһы (ингл. rabbit hole) — Льюис Кэррол яҙған «Әлисәнең Сәйерстандағы мажаралары» әҫәренә аллюзия — ред.