Lo más destacao de Wikimedia, febreru de 2013

From Meta, a Wikimedia project coordination wiki
Jump to navigation Jump to search
This page is a translated version of the page Wikimedia Highlights, February 2013 and the translation is 100% complete.

Other languages:
Deutsch • ‎Emiliàn • ‎English • ‎Malti • ‎Nederlands • ‎Scots • ‎Türkçe • ‎Zazaki • ‎asturianu • ‎azərbaycanca • ‎català • ‎dansk • ‎español • ‎euskara • ‎français • ‎føroyskt • ‎isiXhosa • ‎italiano • ‎magyar • ‎norsk bokmål • ‎polski • ‎português • ‎română • ‎shqip • ‎русский • ‎српски / srpski • ‎українська • ‎ייִדיש • ‎اردو • ‎العربية • ‎فارسی • ‎বাংলা • ‎ਪੰਜਾਬੀ • ‎தமிழ் • ‎中文(台灣)‎ • ‎中文(简体)‎ • ‎中文(繁體)‎ • ‎한국어

Lo más destacao del Informe de la Fundación Wikimedia y del informe d'inxeniería de Wikimedia de febreru de 2013, con una esbilla d'otros acontecimientos del movimientu Wikimedia importantes

Lo más destacao de la Fundación Wikimedia

Victoria llegal pa Wikivoyage ya'l conocimientu llibre

L'equipu xurídicu de la Fundación Wikimedia anunció un alcuerdu nel procesu llegal ente la Fundación ya Internet Brands, relativu a problemes derivaos de la creación de Wikivoyage, el nuesu nuevu proyeutu comunitariu de conocimientu llibre.

L'añu pasáu, Internet Brands (propietarios d'un proyeutu comercial de viaxes basao en wiki) demandó a dos miembros de Wikimedia encargaos de dar sofitu al proyeutu de wiki de viaxes. La Fundación encargose de la defensa llegal de los voluntarios ya'l tribunal refugó completamente la demanda d'Internet Brands.

La Fundación tamién pasó a la ofensiva y presentó una demanda separada escontra Internet Brands buscando una declaración del tribunal de que Internet Brands nun tenía una base afayadiza pa bloquiar el proyeutu de wiki de viaxes. Esta demanda resolviose por un alcuerdu estraxudicial el 14 de febreru de 2013. Nesi alcuerdu, Internet Brands lliberó a la Fundación y Wikivoyage e.V. (la organización ensin ánimu de llucru alemana que trabayó duro pa facer un éxitu el proyeutu de viaxes) de toles reclamaciones rellacionaes d'algún mou cola creación y operación del proyeutu de wiki de viaxes. A cambiu, la Fundación alcordó retirar la so demanda.

Imaxe de pantalla de la nueva llista de vixilancia pa móviles

Disponible la llista de vixilancia pa móviles

Facilitar les collaboraciones con Wikipedia dende preseos móviles ye un oxetivu importante pal equipu de móviles de la Fundación. Como unu de los primeros resultaos d'esta xera, agora los usuarios de la Wikipedia pa móvil puen aniciar sesión na so cuenta y ver y camudar la llista de vixilancia. Na versión pa móvil, el símbolu de la estrella de la llista de vixilancia amuesase pa tolos usuarios, p'afala-yos a aniciar sesión o crear una cuenta. Los collaboradores espertos puen usar la llista de vixilancia como de vezu: pa siguir los cambeos de les páxines seleicionaes ya iguar los problemes si ye necesario. Pero pa facer la llista de vixilancia más amistosa pa principiantes, la versión pa móvil tamién ufre una vista completa de toles páxines seleicionaes, que pue funcionar como llista de llectura.

L'equipu d'inxeniería llingüística asiste a conferencies de códigu abiertu na India

L'equipu d'Inxeniería Llingüística de la Fundación Wikimedia tomó parte en dos conferencies en Pune, la India: GNUnify 2013, una importante conferencia sobre códigu abiertu, y la Segunda Cumbre Llingüística del Códigu Abiertu, co-organizada pola Fundación con Red Hat. L'equipu tien como oxetivu facer de Wikipedia un sitiu web que pueda utilizase por cualquier persona del planeta nel so propiu idioma. Los munchos idiomes distintos de la India faen d'ella un llugar natural para que l'equipu pueda ver los efeutos del so trabayu. Na Cumbre Llingüística, los inxenieros de la Fundación Wikimedia collaboraron colos asistentes de Red Hat, KDE, Google y otros grupos. Les estayes de trabayu incluyeron lo siguiente:

  • Métodos d'entrada (que permite escribir nun idioma determináu), llevando'l númberu d'idiomes sofitaos a 140.
  • La «matriz de cobertura de llingües», una vista detallada del sofitu de llingües de los distintos proyeutos y plataformes (con 285 idiomes sofitaos por Wikimedia actualmente y más de 100 na distribución de Linux Fedora)

Datos y tendencies

Visites úniques globales pa xineru:

488,5 millones (+3,37% comparao con diciembre; +1,31% comparao col añu anterior)
(Datos de comScore pa tolos proyeutos de la Fundación Wikimedia; comScore espublizará los datos de febreru a finales de marzu)

Solicitúes de páxines en febreru:

21,8 miles de millones (–2,1% comparando con xineru; +20,2% comparando col añu pasáu)
(Datos del rexistru del sirvidor, tolos proyeutos de la Fundación Wikimedia incluyendo l'accesu per móvil)

Editores rexistraos activos en xineru de 2013 (>= 5 ediciones/mes nel espaciu principal, sacante los bots):

84.848 (+8,60% comparando con diciembre / +2,03% comparando col añu anterior)
(Datos de la base de datos, tolos proyeutos de la Fundación Wikimedia).

Tarxeta d'informe (integrando varios datos estadísticos y tendencies de los proyeutos de la FWM) pa xineru de 2013:

http://reportcard.wmflabs.org/

(Definiciones)

Finances

Ingresos y Gastos añales contra los Planificaos de la Fundación Wikimedia a 31 de xineru de 2013
Gastos añales por Funciones de la Fundación Wikimedia a 31 de xineru de 2013

(La información financiera ta disponible sólo pa xineru de 2013 nel momentu de facer esti informe).

Tola información financiera presentada ye pal mes acabáu y pal añu acabáu a 31 de xineru de 2013.

Ingresos $33.756.118
Gastos:
Grupu d'Inxeniería $7.393.053
Grupu de Collecha de fondos $2.223.577
Grupu de Beques y Programes $2.617.926
Grupu de Gobiernu $413,747
Grupu Llegal/Promoción Comunitaria/Comunicaciones $1.818.707
Grupu Finances/Recursos Humanos/Alministración $3.249.731
Total de Gastos $17.716.741
Total de superávit/(perdes) $16.039.377
  • Los ingresos del mes de xineru son $2,84MM ente que lo planiao foi $276K, aproximadamente $2,56MM o 927% sobro'l plan.
  • Los ingresos añales a la data son $33,76MM ente que lo planiao foi $30,19MM, aproximadamente $3,57MM o 12% sobro'l plan.
  • Los gastos del mes de xineru son $2,26MM ente que lo planiao foi $4,13MM, aproximadamente $1,87 o 45% por baxo del plan, principalmente por aciu de más baxos gastos de personal, gastos de capital, agospiamientu d'internet, planificación del desembolsu de subvenciones del FDC, y gastos de viaxes parcialmente compensaos por gastos llegales más altos y contratación de servicios esternos.
  • Los gastos añales a la data son $17,72MM ente que lo planiao foi $21,90MM, aproximadamente $4,18MM o 19% por baxo del plan, principalmente por aciu de gastos de personal, gastos de capital, agospiamientu d'internet, planificación del desembolsu de subvenciones del FDC y gastos de viaxes parcialmente compensaos por gastos llegales y tarifes bancaries mayores.
  • La disponibilidá monetaria ye de $41,47 millones a 31 de xineru de 2013.

Otres actividaes destacaes

Octava clasificada nel concursu Imaxe del añu: Panorama de la "Puerta del infiernu", un campu de gas natural ardiendo nel Turkmenistán
La Imaxe del añu 2012

Anunciaronse los resultaos del concursu de Commons Imaxe del Añu 2012

Tres votar 3990 Wikimedistes, el 22 de febreru anunciaronse los resultaos del séptimu concursu añal Imaxe del añu en Wikimedia Commons. La fotografía ganadora (drecha) amuesa dos páxaros de la especie Merops apiaster (abeyerucu européu). El fotógrafu esplicó qu'amuesa un ritual d'apareyamientu: el páxaru machu, a la drecha, ta a piques d'alimentar cola abeya a la fema, a la izquierda. La fotografía proporcionóla'l Proyeutu Phoebus, una collaboración ente'l muséu de Toulouse y Wikimedia Francia.

Nueva comisión del defensor del wikipedista

Anunciaronse los miembros de la comisión del Defensor del wikipedista 2013:

La comisión del defensor del wikipedista investiga les quexes sobre violaciones de la política d'intimidá (en particular no que cinca al usu de les ferramientes CheckUser), en cualesquier proyeutu de Wikimedia, pal conseyu d'alministración.

Base de datos abierta d'arte públicu en Suecia

Wikimedia Suecia principió a trabayar nuna base de datos d'arte públicu en Suecia de llicencia llibre, que contién datos d'instituciones públiques y conceyos. El proyecto financiase con una subvención de l'axencia gubernamental Vinnova. La base de datos motivóse pol concursu internacional de fotografía Wiki Loves Public Art, planificáu para mayu de 2013.