Wikispecies
Wikispecies ye un proyectu de la Fundación Wikimedia que principió'l 5 de setiembre de 2004. Los detalles del orixe del proyectu tán disponibles nes entrugues más frecuentes (EMF). Ye multillingüe y nun tien ediciones por llingua, lo mesmo que Commons.
Wikispecies tien l'envís de ser una referencia y direutoriu taxonómicos llibres, tanto para los científicos como para los llectores normales. Existe como base de datos que combina les clasificaciones y l'árbol de familia xenética de toles especies de la vida, de los seis reinos. Sicasí, el so conteníu ye distintu de la información de los artículos de Wikipedia en que que Wikispecies nun tien alderiques que se cambien polos raigaños taxonómicos estrictos de la especie. En payares de 2014 ya taben disponibles más de 400.000 artículos d'especies en Wikispecies.
La necesidá d'un proyectu como Wikispecies maniféstase pola falta d'un centru formal pa la clasificación taxonómica; un problema importante pa la bioloxía nel pasáu y güei foi la naturaleza desordenada de los recursos de clasificación d'especies humanos. Al nun tener una centralidá afayadiza pa la clasificación, apaecieron problemes cola clasificación múltiple de la mesma especie dos, tres vegaes o inda más. L'éxitu de Wikipedia pa caltener y agospiar cantidaes xigantes de conocimientu demostró qu'un agregador en llinia ye de xuro la meyor ferramienta pa la clase de direutoriu d'especies que tanto necesita la comunidá bioloxica.