ವಿಕಿಕಾನ್ಫರೆನ್ಸ್ ಇಂಡಿಯಾ 2023
.svg){kind=logo}
28 – 30 April, 2023
Hyderabad, India
| Home | Translation Buddy | Pre-Conference | Program | Connect | Team | Friendly Space Policy | FAQs |
 | WikiConference India 2023 Updates
|
ವಿಕಿಕಾನ್ಫರೆನ್ಸ್ ಇಂಡಿಯಾ ೨೦೨೩ ಉಂದು ರಾಷ್ಟ್ರಮಟ್ಟೊದ ಒಂಜಿ ಸಮ್ಮೇಳನೊ. ನಮ ದೇಸೊದ ಬೇತೆ ಬೇತೆ ಬಾಸೆಲೆಡ್ ನಡತೊಂದಿಪ್ಪುನ ವಿಕಿಮೀಡಿಯಾ ಯೋಜನೆಲೆಡ್ ಬುಕ್ಕ ದಕ್ಷಿಣ ಏಷಿಯಾ ಭಾಗೊಲೆಡ್ ನಡತೊಂದಿಪ್ಪುನ ವಿಕಿ ಯೋಜನೆಲೆಡ್ ಪಾಲ್ ದೆತೊಂದಿನ ವಿಕಿಮೀಡಿಯನ್ನೆರ್ ಮಾತ ಸೇರ್ದ್ ಚರ್ಚೆ ಮಲ್ಪರ, ಪೊಸ ಇಚಾರೊಲೆನ್ ಪಟ್ಟೊನರಗಾದ್ ಮಲ್ಪುನ ಒಂಜಿ ಮಿನದನ. ವಿಕಿಮೀಡಿಯದ ಪೊಸ ಯೋಜನೆಲು, ದುಂಬಗ್ ಬರ್ಪುನ ಪೊಸ ಸವಾಲುಲು, ಐಕ್ ಬೋಡಾದ್ ಪರಿಹಾರ ನಾಡುನ- ಇಂಚಿತ್ತಿನ ಮಾತ ಇಸಯೊಲೆನ್ ಬಗ್ಗೆ ಚರ್ಚೆ ಮಲ್ಪರೆ ಉಂದೊಂಜಿ ಎಡ್ಡೆಂತಿನ ಅತ್ತಂದೆ ಮಾಮಲ್ಲ ಚಾವಡಿ ಪನೊಲಿ. ಈ ಮಿನದನ ಆಂಧ್ರಪ್ರದೇಶ ರಾಜ್ಯೊದ ರಾಜಧಾನಿ ಆಯಿನ ಹೈದರಾಬಾದ್‌ಡ್ ೨೦೨೩ ಎಪ್ರಿಲ್ ೨೮ಡ್ದ್ ೩೦ನೇ ತಾರೀಕ್ ಮುಟ್ಟ ನಡಪರ ಉಂಡು.
ವಿಕಿಕಾನ್ಫರೆನ್ಸ್ ಇಂಡಿಯಾ ೨೦೨೩ದ ಇಸಯ
ಈ ಸರ್ತಿದ ವಿಕಿಕಾನ್ಫರೆನ್ಸ್ ಇಂಡಿಯಾದ ಇಸಯ ಸಂಬಂದೊಲೆನ್ ಗಟ್ಟಿ ಮಲ್ಪುನು. ವಿಕಿಮೀಡಿಯಾ ಯೋಜನೆಲೆಡ್ ಬೇಲೆ ಮಲ್ತೊಂದುಪ್ಪುನ ದಕ್ಷಿಣ ಏಷಿಯಾ ಬಾಗೊದ ವಿಕಿಮೀಡಿಯಾ ಸದಸ್ಯೆರೆನ್ ಕುಡ ವರ ಒಟ್ಟುಸೇರಾದ್ ಅಕಲೆಡ ಇಪ್ಪುನ ಪೊಸ ಆಲೋಚನೆಲೆನ್ ಪಗತ್ತೊನರ, ಪೊಸ ಯೋಜನೆಲೆನ್ ಪಟ್ಟೊನರ ಅಂಚನೆ ವಿಕಿಸಮುದಾಯೊಲೆಗ್ ಬಲ ಕೊರ್ರ ಒಂಜಿ ಎಡ್ಡೆ ಅವಕಾಶ ಆಪುಂಡು.
ಇತಿಹಾಸ ಬುಕ್ಕ ಉದ್ದೇಸೊ
ವಿಕಿಕಾನ್ಫರೆನ್ಸ್ ಇಂಡಿಯಾ ಮಿನದನನ್ ಸುರುಟು ೨೦೧೧ನೇ ಇಸವಿಡ್ ಮುಬೈಡ್ ಮಲ್ತೆರ್. ರಡ್ಡನೆ ಮಿನದನ ೨೦೧೬ನೇ ಇಸವಿಡ್ ಪಂಜಾಬ್ ರಾಜ್ಯೊದ ಚಂಡೀಗಢಡ್ ನಡತ್ಂಡ್. ೨೦೨೦ನೇ ಇಸವಿಡ್ ಮಲ್ಪೊಡಿತ್ತಿನ ಮೂಜಿನೇ ಮಿನದನನ್ ಕೋವಿಡ್-೧೯ಡ್ದಾವರ ಮಲ್ಪರ ಆಯಿಜಿ.
ನಮ ದೇಸೊಡೊರ್ಮೆ ಇಪ್ಪುನ ವಿಕಿಮೀಡಿಯ ಸಮುದಾಯೊದ ಸದಸ್ಯೆರ್ ಬುಕ್ಕ ದಕ್ಷಿಣ ಏಷ್ಯಾ ಪ್ರದೇಸೊಡು ಇಪ್ಪುನ ವಿಕಿಮೀಡಿಯ ಸಮುದಾಯೊದ ಸದಸ್ಯೆರೆನ್ ಒಟ್ಟು ಸೇರಾವುನು, ಐತ್ತ ಮೂಲಕ ಬೇತೆ ಬೇತೆ ಸಮುದಾಯೊದ ಸದಸ್ಯೆರೆಡ ಇಪ್ಪುನ ಇಚಾರೊಲೆನ್ ಪರಸ್ಪರ ಪಗತ್ತೊಂಬುನು ಈ ಸರ್ತಿದ ವಿಕಿಕಾನ್ಫರೆನ್ಸ್-೨೦೨೩ದ ಉದ್ದೇಸೊ. ನನ ಕೆಲವೊಂಜಿ ಉದ್ದೇಸೊಲು ಪನ್ನಗ:
- ವಿಕಿಮೀಡಿಯನ್ ಗಲಸುನಕುಲು, ಯೋಜನೆಲು, ಸಮುದಾಯೊ, ವಿಕಿಮೀಡಿಯದ ಬೇತೆ ಬೇತೆ ಅಂಗಸಂಸ್ಥೆಲು- ಉಂದೆತ ನಡುಟು ಇಪ್ಪುನ ಸಂಬಂಧೊಲೆಗ್ ಬಲ ಕೊರ್ಪುನು, ಪರಸ್ಪರ ಬೆರಿಸಾಯ ಕೊರ್ಪುನು.
- ತೆರಿದಿನ ಇಸಯ ಅತ್ಂಡ ತಿಳುವಳಿಕೆ, ಬಿರ್ಸಾತಿಕೆ ಪಟ್ಟೊನರ ಬುಕ್ಕ ದಿನ ಪೋಯಿಲೆಕೊನೆ ಎಚ್ಚ ಮಲ್ತೊನರ ಬುಕ್ಕ ಐಕ್ ಸಂಬಂಧಪಟ್ಟಿನ ಬೆರಿಸಾಯ ಕೊರ್ಪುನ.
- ವಿಕಿಮೀಡಿಯಾ ಯೋಜನೆಲೆಡ್ ಬೇಲೆ ಮಲ್ತೊಂದುಪ್ಪುನ, ಆಂಡ ನನಲ ಜಾಸ್ತಿ ಪುದರ್‌ಡ್ ಇಜಾಂದಿನ ಕಿನ್ಯ ಕಿನ್ಯ ಸಮುದಾಯೊಲೆನ್, ಮಸ್ತ್ ಅನುಭವ ಇತ್ತಿನ ಜನಕುಲೊಟ್ಟಿಗೆ, ಸಮುದಾಯದೊಟ್ಟಿಗೆ ಸಂಪರ್ಕ ಮಲ್ಪಾವುನು.
- ದುಂಬುದ ನಾಲ್ ವರ್ಷೊಡ್‍ದು ಪಿರಾವುದ, ಇಡೆ ಮುಟ್ಟ ದಾಕಿಲ್ ಮಲ್ಪಂದಿನ ವಿಕಿಮೀಡಿಯಾ ಯೋಜನೆಲೆನ್- ತರಬೇತಿ, ಅಭಿಯಾನ, ಲೇಸ್- ಸರಿಕಟ್ಟಾದ್ ದಾಕಿಲ್ ಮಲ್ಪುನು.
- ನನತ್ತ ಕೆಲವು ವರ್ಸೊಲೆಡ್ ನಮ ದೇಸೊಡು ಬುಕ್ಕ ದಕ್ಷಿಣ ಏಷ್ಯಾ ಭಾಗೊಡು ವಿಕಿಮೀಡಿಯಾ ಚಳುವಳಿಗ್ ವಾ ರೀತಿದ ರೂಪ ಕೊರೊಲಿ, ವಾ ರೀತಿ ದುಂಬರಿಪಾವೊಂದು ಪೋವೊಲಿ ಪನ್ಪಿನ ಇಸಯೊಡು ಯೋಜನೆ ಮಲ್ಪುನು.
ಸಮಯೊತ ಮಿತಿ
- ಮಿನದನೊಟ್ಟು ಪಾಲ್ ದೆತೊನರ ಬುಕ್ಕ ಪಣವುಸಾಯೊಗು ಅರ್ಜಿ ಪಾಡರ ೧೧ನೇ ನವಂಬರ್ ೨೦೨೨, ೦೦.೦೦ಡ್ದ್ ಬುಕ್ಕ ಅವಕಾಶ ಉಂಡು.
- ಮಿನದನೊಟ್ಟು ಪಾಲ್ ದೆತೊನರ ಬುಕ್ಕ ಪಣವುಸಾಯೊಗು ಅರ್ಜಿ ಪಾಡರ ಕಡೆತ ತಾರೀಕ್ ೧೪ನೇ ದಶಂಬರ್ ೨೦೨೨, ೨೩:೫೯ ಮುಟ್ಟ ಅವಕಾಶ ಉಂಡು.
- ಪಣವುಸಾಯದ ಬಗ್ಗೆ ಎಚ್ಚ ಮಾಹಿತಿಗಾದ್ ಪಣವುಸಾಯ ವಿಭಾಗೊನ್ ತೂಲೆ.
- ಮಿನದನೊಟ್ಟು ಪಾಲ್ ದೆತೊಂಬುನ ಬಗ್ಗೆ ಎಚ್ಚ ತೆರಿಯರ ಪಾಲ್ ದೆತೊಂಬುನ ವಿಭಾಗೊನ್ ತೂಲೆ.
ಜಾಗೆ ಬುಕ್ಕ ಕಾರ್‍ಯಕ್ರಮೊತ ತಾರೀಕ್‌ಲು
- ಜಾಗೆ: ಹೈದರಾಬಾದ್, ತೆಲಂಗಾಣ
- ತಾರೀಕ್: 28-30 ಏಪ್ರಿಲ್ 2023