Fundraising 2008/appeal/pms

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).

N'apel dal fondator ëd Wikipedia, Jimmy Wales[edit]

Jimmy Wales

Car letor,

Ancheuj mi iv ciamo ëd sosten-e Wikipedia con na donassion. Sossì a podrìa smijé drolo: përchè un dij sinch sit pì popolar ëd la Ragnà a ciama ël sostegn finansiar dij sò utent?

Wikipedia a l'é fàit an manera diferenta da j'àutri 50 sit pì amportant. Noiàutri i l'oma un cit nùmer ëd përson-e pagà, mach vintetrè. Ognidun a l'é lìber ëd dovré ël contnù ëd Wikipedia për qualsëssìa but. Nòste spèise anuaj a son men che ses milion ëd dòlar. La Wikimedia Foundation, che mi i l'heu fondà ant ël 2003, a fa marcé Wikipedia.

Ant sò cheur, Wikipedia a l'é guidà da na comunità global ëd pì che 150.000 volontari - tùit angagià a condivide liberament ël savèj. An almanch eut agn, costi volontar a l'han contribuì pì che 11 milion d'artìcoj an 265 lenghe. Pì che 275 milion ëd përson-e a rivo al nòst sit ògni mèis për lese j'anformassion, sensa gnun-e spèise ni reclam.

Ma Wikipedia a l'é pì che un sit ëd la Ragnà. Noiàutri i l'oma na causa comun-a: Pensa a un mond andoa minca përson-a dël pianeta a peussa avèj acess liberament al total ëd le conossense uman-e. Cost a l'é nòst but.

Vòsta donassion an giuta an tante manere. La pì amportanta, voi an giutereve a coaté ël cost chërsent ëd traté ël tràfich global a un dij pì popolar sit ëd la Ragnà. Le donassion an giuteran ëdcò a fé chërse ël programa ch'a fà fonsioné Wikipedia -- fasendla pì bel fé da serché, pì bel fé da lese e pì bel fé da scrive. Noiàutri i soma angagià a fé chërse ël moviment për la conossensa lìbera ant ël mond, an cujend neuv volontar, e stabilend pat stratégich con istitussion ëd la cultura e dle scòle.

Wikipedia a l'é diferenta. A l'é la pì gròssa enciclopedìa dla stòria, scrivùa da 'd volontari. Com an parch nassional o na scòla, noi i chërdoma che la reclam a dovrìa nen ess-ie an Wikipedia. Noiàutri i voroma mantnila lìbera e fòrta, ma i l'oma dabzògn dël sostegn ëd mila e mila përson-e com voiàutri.

Mi i v'anvito a giutene: vòsta donassion a giuterà a mantnì Wikipedia lìbera për ël mond antregh.

Mersì,

Jimmy Wales

EUFRE ADESS »

Amprend ëd pì[edit]

Sitenotice[edit]

Les, për piasì: N'apel përsonal dal fondator ëd Wikipedia, Jimmy Wales


Amprend ëd pì