Fundraising 2008/appeal/yue

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).

維基百科創辦人占美威爾斯嘅呼籲[edit]

占美威爾斯

各位讀者:

今日,我專誠請你哋捐錢去撐吓維基百科。呢件事可能有啲唔尋常:點解連貴為全球五大最受歡迎網站之一嘅維基百科,都要叫人捐錢畀佢?

維基百科嘅出現,同其他頭50大網站好唔一樣。我哋只係有好少全職嘅伙記,得23個。而維基百科嘅內容就畀任何人自由用響任何地方。我哋每年使少過六百萬美金。維基百科係由非牟利組織維基媒體基金會搞嘅,係我響2003年發起嘅。

維基百科嘅核心,由全球超過15萬名義工組成——佢哋個個都好樂於自由分享自己嘅知識。響差唔多八年嘅光陰裏面,佢哋用265種話寫咗1,100萬篇文,而每個月亦都有超過2.75億人嚟睇呢個網站,但係我哋完全唔收人錢,亦唔會賣廣告。

之不過,維基百科唔單只係一個網站,我哋重有一個共同嘅信念:「諗吓一個世界,每一個人都可以自由咁將全人類所有知識攞嚟用。呢個就係我哋嘅理想。」

你嘅捐款可以響幾個方面幫到我哋。最緊要嘅係,呢啲捐款可以幫到我哋應付全球人流而增加嘅管理開支,話晒維基百科係網上最受歡迎嘅一個網站。呢啲捐款亦都可以幫我哋改善維基百科嘅運作軟件,等大家可以更易去搵資料、更易去讀同更易去寫。我哋又會出力推動全球自由知識運動嘅發展,用嘅方法包括請多啲義工,仲有同文化學術機構建立策略性嘅關係。

維基百科相當獨特:佢係有史以嚟最大嘅百科全書,並且全部都係由義工寫嘅。好似國家公園同學校一樣,我哋相信廣告唔應該響維基百科出現。我哋想保持住維基百科嘅自由同強大,但一定要成千上萬好似你咁嘅人撐住。

我專誠請你撐吓我哋:你嘅捐款將會幫到維基百科,繼續提供自由同免費嘅知識畀成個世界。

唔該晒!

占美威爾斯

即刻捐 »

知多啲[edit]

Sitenotice[edit]

睇吓: 維基百科創辦人占美威爾斯 發出嘅個人呼籲

知多啲