Evidense ëd Wikimedia, Otóber 2012

From Meta, a Wikimedia project coordination wiki
Jump to navigation Jump to search
This page is a translated version of the page Wikimedia Highlights, October 2012 and the translation is 100% complete.

Other languages:
Bahasa Melayu • ‎Deutsch • ‎English • ‎Nederlands • ‎Piemontèis • ‎Türkçe • ‎Zazaki • ‎azərbaycanca • ‎brezhoneg • ‎català • ‎dansk • ‎español • ‎français • ‎italiano • ‎lietuvių • ‎norsk bokmål • ‎português do Brasil • ‎slovenščina • ‎suomi • ‎български • ‎русский • ‎українська • ‎ייִדיש • ‎עברית • ‎العربية • ‎پښتو • ‎کھوار • ‎తెలుగు • ‎ಕನ್ನಡ • ‎ไทย • ‎中文 • ‎中文(中国大陆)‎ • ‎中文(台灣)‎ • ‎中文(简体)‎ • ‎中文(繁體)‎ • ‎日本語



Evidense dal Rapòrt ëd la Fondassion Wikimedia e dal Rapòrt técnich ëd Wikimedia për Otóber 2012, con na selession d'àutr amportant event dal moviment ëd Wikimedia

Evidense dla Fondassion Wikimedia

Ij cambi dël disegn al sit për sacociàbil ëd Wikipedia a comprendo na navigassion neuva e na grafìa modificà.

Wikipedia për sacociàbil redisegnà

Ël gateway për sacociàbil ëd Wikipedia a l'é stait modificà con vaire funsion ch'a son staite prima provà dzora ël sit beta për sacociàbil. Ël sistem ëd navigassion neuv a veul rende le funsion e j'ampostassion për sacociàbil pi bel fé da dëscovrì. Ant ij meis ch'a ven-o, l'echip për sacociàbil a travajerà për gionté dle possibilità për contribuì con ij dispositiv sacociàbij. Ant ël meis prima, l'app Wiki Loves Monuments app a l'ha già anserì na funsion për sacociàbil ëd cariagi ëd fòto, com la prima ëd taj possibilità. Për ij letor, ël disegn neuv a eufr dij font che rendo ël contnù pi bel da lese.

Prim rëscontr ëd përson-a dël Comità ëd Disseminassion dij Fond (FDC)

Ij neuv mèmber dël neuv volontari Comità ëd disseminassion dij Fond (FDC) a son ancontrasse për la prima vira d'otober, an preparand soe arcomandassion a propòsit dj'arceste ëd fond ëd 12 organisassion (11 capìtoj Wikimedia e la Fondassion) da un mucc ëd pi che 10 milion $ dle donassion Wikimedia. An cost model neuv, j'arceste ëd fond a son staite faite an pùblich, an abilitand un interval ëd revision dla comunità ch'a l'é finì ël 22 otober.

L'echip ch'a apògia ël FDC a l'ha valutà minca arcesta scond na lista ëd criteri:

  • stime për l'impat potensial,
  • la capassità dl'organisassion d'eseguì le atività pianificà,
  • soa eficiensa finansiaria spetà,
  • la qualità dle misure ëd sucess proponùe
  • ël benefissi potensial për ël moviment Wikimedia

Ël Signpost (ël giornal setimanal ëd la comunità dla Wikipedia Anglèisa) a l'ha publicà na panoràmica dë sti pontegi a dël total ciamà.

La Tàula ëd Diression a anonsierà soe decision a propòsit ëd le arcomandassion dël FDC an Dzèmber.

Wikipedia Zero adess a l'é disponìbil për 230 milion ëd përson-e d'apress dla partensa an Arabia Saudìa; a l'ha già aumentà ij letor ëd Wikipedia an Africa e an Asia

Wikipedia Zero, ël program ch'a eufr a j'utent dij sacociàbij dla Ragnà n'acess a Wikipedia sensa spèise, a l'ha giontà la Companìa Telecom dl'Arabia Saudìa (STC) a la lista dij cambrada. Con 25 milion d'abonà an Arabia Saudìa, Bahrain e Kuwait, àutr 230 milion d'utent ëd sacociàbil an 31 paìs a l'han adess acess al program, mes ann d'apress ëd soa partensa mondial.

Na prima valutassion dij sò efet an sij letor a l'é promëttenta: le pagine ëd Wikipedia lesùe da j'utent d'Orange Niger a son chërsùe dlë 77% e cole da j'utent d'Orange Kenya a son chërsùe dl'88% ant n'antërval ëd quatr-meis comprendent la partensa an cost paìs. An Malesia, ij visitador ùnich a Wikipedia da l'operator local Digi a son chërsù dël 42% d'apress ch'a l'é unisse a Wikipedia Zero.


Dat e Tendense

Visitador ùnich globaj për Stèmber:

474,9 milion (+4,08% paragonà a Aost; +4,47 paragonà a l'ann prima)
(dat comScore për tùit ij proget ëd la Fondassion Wikimedia; comScore a darà ij dat d'Otober pi anans an Novèmber)

Arceste ëd pagine për Otober:

19,8 miliard (+3,4% paragonà a Stèmber; +15,8% paragonà a l'ann prima)
(dat dij registr dij Servent, tùit ij proget ëd la Fondassion Wikimedia comprèis j'acess da sacociàbil)

Editor Ativ Registrà për Stèmber 2012 (>= 5 modìfiche dlë spassi prinsipal al meis, an gavand ij trigomiro):

82,582 (+4,08 paragonà a Aost / +2,98% paragonà a l'ann prima)
(Dat dël Database, tùit ij proget ëd la Fondassion Wikimedia. Nòta: ressentement i l'oma rafinà ste métriche për ten-e an cont Wikimedia Commons e j'atività a travers ëd pi proget.)

Pagela (ch'a ìntegra vàire dat statìstich e tendense a propòsit dij proget WMF) për Stèmber 2012:

http://reportcard.wmflabs.org/

(Definission)

Finansiament

Intrade e Speise Anuaj dla Fondassion Wikimedia confrontà con ël Pian al 30 Stèmber 2012
Speise Anuaj për Funsion ëd la Fondassion Wikimedia al 30 Stèmber 2012

(L'anformassion finansiaria a l'é mach disponìbij për Stèmber 2012 al moment dë sto rapòrt.)

Tuta l'anformassion finansiaria presentà a l'é Mensil e Anual për ij 30 dë Stèmber 2012.

Intrade 4.113.523 $
Speise
Echip Tecnològica 3.274.990 $
Echip ëd Comunità/Cujìa Fond 588.771 $
Echip Global ëd Dësvilup 1.353.447 $
Echip ëd Govern 200.668 $
Echip Legal/Avocat dla Comunità/Comunicassion 581.916 $
Echip ëd Finansa/HR/Aministrassion 1.396.195 $
Spèise Totaj 7.395.987 $
Avans total/(pèrdita) (3.282.464 $)

*J'intrade për ël meis dë Stèmber a son 2.36 MM $ confrontà al pian ëd 2.44MM $, pi o men 81K $ o ël 3% sota al pian.

  • J'intrade anuaj a son 4,11MM $ a confront dël pian ëd 4,36MM, pi o men 254K $ o ël 6% sota al pian.
  • Jë speise për ël meis dë Stèmber a son 2,20MM $ a confront dël pian ëd 2,77MM $, pi o men 577K $ o ël 21% sota al pian, dzortut dovù a speise pi basse dël përsonal, speise d'host internet, speise ëd viagi, speise ëd capital, garansìe e premi, e servissi fòra contrat parsialment compensà da speise pi aute për ël rëscontr anual all-hands.
  • Jë speise anuaj a son 7,40MM $ a confront dël pian ëd 8,68MM $, pi o men 1,3MM $ o ël 15% sota al pian, dzortut dovù a speise dël përsonal, fit dj'host internet, speise ëd viagi, speise ëd capital, speise legaj, garansìe e premi, e sërvissi fòra contrat.
  • La posission ëd cassa a l'é 22,0MM $ ai 30 dë Stèmber 2012, ch'a son pi o men 6,29 meis dë speise.

Autre evidense dël moviment

Potensa dla colaborassion: Doi robot a l'han amparà ch'a peulo tramudé dle ròbe pi gròsse s'a travajo ansema. (Video da un test d'arserca antitolà "Evolussion dël Comportament Adatativ ant ij Robot con la Selession Darwinian-a", amportà an Commons da Open Access Importer Bot)

Audio e video da publicassion sientìfiche a acess duvert amportà an Commons

L'Open Access Media Importer Bot a l'é stait aprovà dzora Wikimedia Commons a la fin d'Otober. A serca ant ij Database dle publicassion (com PubMed Central) dj'archivi audio e video ch'a compagno dij test scolàstich com material suplementar, e aj caria an Wikipedoia Commons s'a son disponìbij sota na licensa libra aproprià. A l'ha già amportà pi che 9000 archivi.

200 professionista GLAM a la conferensa Tedesca

Na conferensa antërnassional antitolà "Shaping Access! – Pi responsibilità për l'ardità cultural" a l'é tnusse an Berlin ai 23 e 24 d'Otober, organisà dal capìtol Tedesch ëd Wikimedia con sinch autre organisassion. Pi che 200 rapresentant d'istitussion culturaj (GLAM) a l'han dëscutù dle manere ëd rende l'ardità cultural pi acessibla, compreis Wikipedia e Wiki Loves Monuments.

Giornà d'Ada Lovelace

A metà Otober, la quarta anual giornà d'Ada Lovelace a l'é staita selebrà për onoré le contribussion dle fomne ant la siensa, la tecnologìa, l'ingegnerìa e la matematica, arcordand la pioniera dij clcolador Ada Lovelace (1815–1852). Ij Wikimedian a l'han partessipà con vaire event, compreis editathons a la British Royal Society e a l'Harvard University ch'a son stàit focalisà dzora a melioré la covërtura ëd Wikipedia dle fomne ant la siensa, e na festa ospità da la Fondassion Wikimedia.

Colegament Interlenga tra tute le lenghe
Sistema curent:
colegament interwiki
tra tute le lenghe
=> Colegament ëd tute le lenghe a un pont sentral, Wikidata
Wikidata, phase 1:
colegament ëd tute le lenghe
a un pont sentral

Wikidata.org a va an linia

Wikidata a l'ha realisà na pera miliar ai 30 d'Otober quand soa wiki a wikidata.org a l'é nassùa, com ël prim neuv proget dla Fondassion Wikimedia dal 2006. Wikidata a sarà un depòsit sentral ëd dat struturà për ij proget Wikimedia. Ël software a l'é stait dësvilupà dal capìtol Tedesch. Ël proget a consiste ëd tre pass. Ant ël prim pass, che a l'é ancaminà adess, ij colegament interlenga che a colego vos a propòsit dël midem argoment an proget ëd lenghe diferente a son colessionà dzora Wikidata. La Wikipedia Ungherèisa a sarà ël prim proget a dovré sti colegament interwiki memorisà centralment.