技術/伺服器切換

伺服器切換 - 爾個維基冇耐之後就冇得改文

用其他語言睇爾個通告 • Please help translate to your language

維基媒體基金會將會切換流量到第個數據中心。 目的係確保維基百科同維基媒體嘅其他維基項目，即使發生災難，仍然可以保持網上嘅服務。

預定測試日期係3月25號，到時所有流量會切換到新數據中心。 預定時間係 15:00 UTC開始。

礙於 MediaWiki 嘅某啲限制，切換期間一定要停止所有嘅編輯。 不便之處，敬請原諒，我哋會盡力減少同樣嘅情況喺未來發生。

切換前30分鐘，喺受影響嘅維基將會顯示橫額通告。 爾個橫額會一直喺度睇到，直至行動結束。 你可以翻譯或者校對爾個橫額文字嚟貢獻。

測試期間你可以睇文，但係唔改得，所有維基都會受到影響，但係時間唔會好耐。

• 喺2026年3月25號（禮拜三），喺某段時間之內，你將會改唔到文，歷時最多一個鐘。
• 如果你嘗試喺嗰陣改文或者發佈修改，你將會收到錯誤信息。 雖然我哋希望過程中唔會有編輯丟失，但係做唔到咁嘅保證； 如果你見到錯誤訊息，請等一等，當一切恢復正常。 你就應該可以正常發佈修改。 但係我哋建議你抄起你嘅修改，以防萬一。

其他影響：

• 後台背景作業會行得慢過平時，有啲可能會唔行。 紅色連結可能會更新得冇平時咁快。 即係話，如果您開咗新版，而其實第版已經連咗去新版度，其他版入面嘅紅色連結會要等耐啲先變藍。 另外，有啲正常應該一路行嘅腳本可能要停。
• 軟件嘅新版本預計會如常推出。 但係視乎情況，有啲軟件可能會延遲推出。
• GitLab 喺某段時間會用唔到，歷時大概 90 分鐘左右。

如有必要，計劃可能會被推遲。 時間表喺 wikitech.wikimedia.org。 計劃如果有任何改動，時間表將會更新。

呢個資料唔該喺社羣傳開。