Consensu

From Meta, a Wikimedia project coordination wiki
Jump to navigation Jump to search
This page is a translated version of the page Consensus and the translation is 100% complete.
Other languages:
Bahasa Melayu • ‎Deutsch • ‎English • ‎Esperanto • ‎Lëtzebuergesch • ‎Nederlands • ‎Sunda • ‎Türkçe • ‎Zazaki • ‎asturianu • ‎dansk • ‎eesti • ‎español • ‎euskara • ‎français • ‎italiano • ‎latviešu • ‎lietuvių • ‎magyar • ‎occitan • ‎polski • ‎português • ‎português do Brasil • ‎română • ‎shqip • ‎čeština • ‎Кыргызча • ‎русский • ‎татарча/tatarça • ‎עברית • ‎العربية • ‎فارسی • ‎مصرى • ‎پښتو • ‎मराठी • ‎हिन्दी • ‎தமிழ் • ‎తెలుగు • ‎മലയാളം • ‎中文 • ‎中文(简体)‎ • ‎日本語

Wikimedia sólo funciona consiguiendo consensos, porque toles persones tienen los mesmos poderes (esceuto pa bloquiar, desaniciar y protexer páxines, funciones acutaes pa los alministradores) y, poro, puen desfacer cualquier cambiu. Los editores consiguen el consensu col alderique candial y cola negociación.

Una descripción de lo que ye'l consensu, fecha na llista de corréu, ye la siguiente:

En realidá

la forma estándar de funcionar de WP ye un bon exemplu de lo que significa: un entemez a lo llargo de la comunidá de los que tán d'alcuerdu abondo, dalgunos que nun tán d'alcuerdu pero "tán d'alcuerdu en nun tar d'alcuerdu" ensin desafeutu, los que nun tán d'alcuerdu pero dan poca importancia al asuntu dau, los que tán enforma en desalcuerdu pero entienden que ye'l puntu de vista de la comunidá y respétenlu a esi nivel, dalgún miembru testeronamente protestón, dalgunos qu'actúen «fuera de la llei». Sabrás si tienes consensu, sinón unanimidá, cuando intentes trabayar n'él.

Decatese de que'l consensu sólo funciona entre editores razonables que faen l'esfuerzu de bona fe pa trabayar xuntos por describir del mou más precisu y apropiáu los distintos puntos de vista del asuntu.

Ye difícil dicir exactamente lo que ye una posición razonable o racional. Casi tolos editores consideren que la so posición ye razonable; los bonos editores reconocen que les posiciones opuestes a la suya tamién son razonables. Pero la práctica del consensu en Wikimedia nun xustifica la insistencia testerona n'una postura escéntrica combinada cola negativa a considerar otros puntos de vista de bona fe. No tocante a la bona fe, por munchu énfasis que ponga n'afirmar qu'edita dende un puntu de vista neutral mentanto fai ediciones partidistes, nun abastará pa tapecer la naturaleza de les sos actividaes.

El consensu nun habría de tener prioridá sobre la NPOV (o cualquier otra política oficial). Sicasí, un grupu d'editores podría tapecer ciertos fechos y puntos de vista por aciu de la so insistencia, númberu o organización. Esti grupu d'editores nun habría ponese d'alcuerdu con una versión d'un artículu que viole la NPOV pero, dacuando, asocederá de toles maneres. Esiste l'alcuerdu xeneral de qu'esto ye malo y tien d'evitase.

Ver tamién