Doslıq ortalıq siyasatı
Doslıq ortalıǵı siyasatları - bul Wikimedia birlespesi jıynalısları (júzbe-júz yamasa onlayn formada) ushın qollanılatuǵın qaǵıyda hám kórsetpeler jıynaǵı bolıp tabıladı. Bul siyasat barlıq qatnasıwshılarǵa bir-biri ushın unamlı hám nátiyjeli tájiriybe jaratıwǵa umtılıwdı usınıs etedi. Bul túsinikke jaqın bolǵan atama - minez-qulıq kodeksi bolıp, ol tek ǵana ilajlarda emes, al barlıq jaǵdaylarda qanday múnásibette bolıw kerekligin belgilep beretuǵın siyasat esaplanadı.
Wikimedia ilajları ushın ulıwmalıq doslıq siyasatı
Wikimedia jámááti hámme ushın ashıq hám doslıq ortalıǵın jaratıwǵa sadıq - bul jınısı, jınısıy baǵdarı, gender identifikaciyası yamasa sáwleleniwi, mayıplıǵı, sırtqı kórinisi, rasası, dini yamasa qálegen erkin licenziyasına qaramastan (hám bunıń menen sheklenbegen halda) barlıq adamlardı óz ishine aladı.
Ilaj qatnasıwshılarına basım ótkeriwge (basqınshılıq etiwge) ulıwma jol qoyılmaydı.
Bul qaǵıydalarǵa ámel etpegen qatnasıwshılar, ilaj shólkemlestiriwshileriniń qararına bola, ilajdan shetletip jiberiliwi múmkin.
Kúsh kórsetiw (basım ótkeriw) túsinigi
Zorlıq (basım ótkeriw) tómendegilerdi óz ishine aladı:
- Jınıs, jınısıy baǵdar, gender identifikaciyası yamasa sáwleleniwi, mayıplıq, sırtqı kórinis, dene ólshemi, rasa, etnikalıq tiyislilik, siyasiy kózqaras yamasa dinge baylanıslı kemsitiwshi awızeki túsinikler.
- Qasaqana qorqıtıw, jasırın yamasa ashıq túrde quwdalaw, jaǵımsız tárizde izinen júriw, ruqsatsız súwretke túsiriw yamasa jazıp alıw, lekciyalar yamasa basqa da ilajlardı úzliksiz shalǵıtıw.
- Konteksten tıs jınısıy kórinislerdi kórsetiw, orınsız fizikalıq qatnaslar hám qálemegen jınısıy itibar.
Refer to the Universal Code of Conduct's definition on harassment to learn more about what constitutes harassment in the Wikimedia movement globally.
Bunday is-háreketlerdi toqtatıw kerekligi soralǵan qatnasıwshılar - dárhal bul talapqa ámel etiwi shárt.
Dúzetiw sharaları
Wikimedia jámiyetshiligi tádbirleri kewilliler tárepinen shólkemlestiriledi, sonıń ushın ilaj shólkemlestiriwshileri «Doslıq Ortalıǵı Siyasatı»n saqlawda barlıq qatnasıwshılardıń járdemine súyenedi. Eger siz kúsh kórsetiwge ushırap atırǵan bolsańız, basqa birewge qarata kúsh kórsetiwdi kórseńiz yamasa basqa qanday da bir táshwishlerińiz bolsa, iltimas, dárhal ilaj shólkemlestiriwshilerinen birine xabarlasıń.
Eger shólkemlestiriwshiler qanday da bir qatnasıwshınıń is-háreketlerinen qáweterge tússe yamasa shaǵım qabıl qılsa, olar jaǵdayǵa sheshim tabıwǵa háreket etiwi múmkin.
Bul, máselen, tiyisli shaxsqa jeke eskertiw beriwdi óz ishine alıwı; eger jaǵday awır bolsa, onda qatnasıwshını ilajdan shıǵıp ketiwin soraw zárúr bolıwı múmkin.
Quwdalaw jaǵdaylarında bolsa, ilaj xızmetkerleri qáwipsizlik sharası sıpatında baqlaw (sheriklik) xızmetin usınıs etiwi múmkin.
Sistemalı túrde kúsh kórsetken shaxslar yamasa basqalarǵa kúsh kórsetiw yaki ilajdı buzıw menen qorqıtqanlar, ilajda qatnaspawı soralıwı múmkin.
Usı siyasattıń ámelge asırılıwı menen baylanıslı hár qanday qáweterler dáslep ilaj shólkemlestiriwshilerine bildiriliwi kerek, yamasa qálegen jaǵdayda keńirek Wikimedia jámiyetshiligine múrájat etiliwi zárúr.
Baylanıs maǵlıwmatları
Qatnasıwshılardıń qáwipsizligin támiyinlew hám ayrıqsha jaǵdaylarda baylanısqa shıǵıwdı ańsatlastırıw ushın tómendegi baylanıs nomerlerin kirgiziw lazım:
- Ilaj shólkemlestiriwshileri (24 saat dawamında baylanısta)
- Jergilikli miymanxana/jıyın ornı qáwipsizlik xızmeti
- Jergilikli huqıq qorǵaw uyımları
- Jergilikli jınısıy zorlıq boyınsha isenim telefonı
- Jergilikli tez medicinalıq járdem hám narazılıq jaǵdaylarındaǵı medicinalıq xızmetler
- Jergilikli taksi kompaniyası nomerleri