Estratechia 2015/Consulta d'a comunidat/Contexto

From Meta, a Wikimedia project coordination wiki
This page is a translated version of the page Strategy/Wikimedia Foundation/2015/Community consultation/Background and the translation is 100% complete.

Contexto

En a WMF, hemos impulsau una iniciativa ta esviellar as nuestras directrices estratechicas y asegurar-nos que seguimos operando d'a manera que millor encaixe en a filosofía de Wikimedia.

Como segurament ya sabe, en 2009 a Fundación Wikimedia implementó un plan estratechico de cinco anyos pa o movimiento Wikimedia, con una numbrosa participación d'a comunidat y o personal. Dende alavetz, se fixón obchectivos a cinco anyos. Ixes obchectivos cconcentrón a inversión en a estabilización d'a nuestra infraestructura tecnica, fendo un espacio a la innovación, y incrementando a inversión en creyar nuevas ferramientas d'edición. O plan estratechico yera agosau, y muit motivador, pero l'horizont de cinco anyos se vido que yera poco adequau a la naturaleza cambeadera d'a web.


O Plan Estratechico de 2009 yera muit amplo y abarcaba muito. Reflectiba os problemas clau d'o Movimiento Wikimedia y d'os millons de personas que en fan parte. En a practica, a WMF tenió dificultatz ta concentrar y priorizar as suyas actividatz diarias en relación con ixe plan. L'anuncio d'un “Enfoque Restrinchiu” en 2012 fue un ensayo de, literalment, estretir os obchectivos d'a WMF ta que podese estar más efectiva en apoyo d'o Movimiento Wikimedia. Agora ye l'inte de reconsiderar y esviellar o Plan Estratechico y a decisión d'Enfoque Restrinchiu.


De camín ta 2015, a WMF ye desembolicando un nuevo proceso estratechico. Por cuentas d'intentar fer un solo documento, empentaremos o que se tornará una disciplina estratechica cutiana d'investigación, avaluación y re-aliniación de directrices. O proceso, más áchil y adaptable, nos informará directament, adaptará as nuestras prioridatz y nos aduyará a mantener una dirección estratechica que sia consistent con a filosofía de Wikimedia, con o refirme a os prochectos de Wikimedia, y sia tamién sensible a os cambeos d'o entorno global.


A consulta a la Comunidat "Visión estratechica" ye o primer paso en o nuestro prochecto estratechico. Ye una oportunidat ta que exploremos chuntos lo que o futuro le depara a o Movimiento Wikimedia y a os suyos prochectos. Aprenderemos d'as ideyas de vusté y as emplegaremos ta documentar y refinar o nuestro pensamiento estratechico. Alavetz, definiremos as directrices estratechicas d'a WMF, as quals compartiremos con vusté en 2015. A directiva estratechica nos guiará en socalce d'a Comunidat, en desarrollo, recapdación de fondos y atorgamiento de subsidios y s'esviellará cada anyada. Tamién lanzaremos preguntas especificas (por eixemplo, relacionadas con as tecnolochías o con l'atorgamiento) que tamién aduyarán a la nuestra planificación estratechica.