2015 Stratiggìa/Cunzurtazzioni dâ cumunitati

From Meta, a Wikimedia project coordination wiki
This page is a translated version of the page Strategy/Wikimedia Foundation/2015/Community consultation/Background and the translation is 100% complete.

Cuntestu

Dintra dâ WMF dèttimu ricentimenti lu via a na nizziativa p'aggiurnari la nostra dirizzioni stratèggica e assicuràrini ca si cuntìnua a opirari ntâ megghia dê maneri pi rializzari la visioni di Wikimedia.

Comu prubbabbilmenti sai, ntô 2009 la Wikimedia Foundation elabburau na stratiggìa quinquinnali pô muvimentu Wikimedia cô cuntribbutu significativu di cumunitati e pirsunali. A pàrtiri di chistu foru fissati cincu obbiettivi annuali. Tali obbiettivi guidaru li nvistimenti ntô stabbilizzari la nostra nfrastruttura tècnica, ntô criari nu spazziu pâ nnuvazzioni, e nta l'aumintari li nvistimenti n strummenti d'editing. Lu pianu era audaci e mutivanti, ma l'orizzonti timpurali di cincu anni si rivilau diffìcili di adattari â natura mutèvuli dô web.


Lu Pianu Stratèggicu 2009 fu assai ampiu e omnicumprinzivu. Chistu riflittìa li chistioni chiavi pô muvimentu Wikimedia e pê miliuna di pirsuni ca nni fannu parti. N pràttica, WMF appi difficultà ntô fucalizzari e priuritizzari li propi attività jornu pi jornu n rilazzioni ô Pianu. L'annunziu "Narrowing Focus" dô 2012 fu un tintativu di ristrìnciri littiralmenti l'attinzioni dâ WMF n manera ca putissi èssiri chiù efficaci ntô sustèniri lu muvimentu. Juncìu lu mumentu di ricunzidirari e aggiurnari lu Pianu Stratèggicu e la dicisioni “Narrowing Focus”.


A l'arburi dô 2015, la WMF sta sviluppannu un prucessu stratèggicu novu. Chiuttostu ca circari d'elabburari un ducumentu di cincu anni pô muvimentu nteru, stamu dannu lu via a chiddu c'addiventa n'approcciu un protucollu di nchiesta, valutazzioni e alliniamentu stratèggicu cuntìnuu. Stu prucessu chiù àggili e adattàbbili va direttamenti a nfurmari e aggiurnari li nostri priurità e l'obbiettivi e cuntribbuisci a mantèniri na dirizzioni stratèggica ch'è cuerenti câ visioni di Wikimedia, ca susteni li pruggetti Wikimedia, e ch'è sinzìbbili ô cuntestu glubbali n evuluzzioni.


La Cunzurtazzioni dâ Cumunitati "Strategic Visioning" è lu primu passu ntô nostru prucessu stratèggicu novu. È n'oppurtunità pi nuiàutri p'esplurari nzèmmula zocchi riserva lu futuru pô Muvimentu e li pruggetti Wikimedia. Mparamu dê tò idìi e l'usamu pi nfurmari e pirfizziunari lu nostru pinzeru stratèggicu. A pàrtiri di chistu, difinemu la Dirizzioni Stratèggica WMF, ca cundividemu cu tìa ntô 2015. Sta Dirizzioni Stratèggica ni fa di guida ntô nostru sustegnu â cumunitati, ntâ pruggittazzioni tècnica, ntô finanziamentu di pruggetti e ntâ cugghiuta di funni, e è aggiurnata annualmenti. Putemu macari mittìrini n cuntattu p'addumannati spicìfichi (p'esempiu, rilativi â ticnoluggìa o ê finanziamenti), ca n'aiùtanu appoi a sustèniri la nostra pianificazzioni stratèggica.