Fundraising 2009/appeal/gl

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).
General Fundraising Translation Guidelines: Fundraising 2009/Translations.

Un chamamento do fundador da Wikipedia, Jimmy Wales[edit]

Hoxe pido que realices unha doazón para apoiar a Wikipedia.

Comecei a Wikipedia en 2001, e ao longo destes oito anos fun vendo, atónito, como centos de miles de voluntarios se unían a min para construír a meirande enciclopedia da historia da humanidade.

A Wikipedia non é unha páxina web comercial. É unha creación comunitaria, escrita e mantida integramente por persoas coma ti. Máis de 340 millóns de persoas usan a Wikipedia cada mes; case unha terceira parte da xente con acceso á internet. Ti es parte da nosa comunidade.

Creo en nós, as persoas. Creo que a Wikipedia segue a mellorar. Esa é a idea. Unha persoa escribe algo, outra mellora iso un chisco e así sucesivamente. Se hoxe a atopas útil, imaxina ata onde podemos chegar xuntos en 5, 10 e 20 anos.

A Wikipedia busca o poder da xente coma nós para facer cousas extraordinarias. A xente coma nós escribe a Wikipedia, aos poucos, palabra a palabra. A xente coma nós mantena. É unha proba do noso potencial colectivo para cambiar o mundo.

Necesitamos protexer o espazo no que se desenvolve este importante traballo. Necesitamos protexer a Wikipedia. Querémola manter gratis e sen publicidade. Querémola manter aberta; podes usar a información recollida na Wikipedia do xeito que desexes. Queremos manter o seu crecemento; esparexendo o coñecemento por todas partes e invitando á participación de todo o mundo.

A Fundación Wikimedia é a organización sen fins de lucro que creei en 2003 para administrar, expandir, coidar e protexer a Wikipedia. Con dez millóns de dólares estadounidenses ao ano e cun persoal de menos de 35 persoas, trátase da quinta páxina web máis lida e consultada do mundo. Pido a túa axuda para podermos continuar o noso traballo.

Imaxina un mundo onde todas as persoas do planeta teñan acceso gratuíto á suma de todo o coñecemento humano. Aí é cara a onde nos diriximos. E coa túa axuda, chegaremos.

Grazas por usares a Wikipedia. Es parte desta historia: por favor, fai unha doazón.

Jimmy Wales,

Fundador da Wikipedia