Fundraising 2009/appeal/ia

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).
General Fundraising Translation Guidelines: Fundraising 2009/Translations.

Un appello del fundator de Wikipedia, Jimmy Wales[edit]

Hodie, io vos pete de facer un donation pro supportar Wikipedia.

Io comenciava Wikipedia in 2001, e in le ultime octo annos, io ha vidite con surprisa e humilitate centos de milles de voluntarios junger se a me in le construction del encyclopedia le plus grande in le historia del humanitate.

Wikipedia non es un sito web commercial. Es un creation communitari, integremente scribite e financiate per personas como te. Plus de 340 milliones de personas usa Wikipedia cata mense; isto es quasi un tertio del mundo connectite a Internet. Tu face parte de nostre communitate.

Io crede in nos. Io crede que Wikipedia se meliora continuemente. Ecce tote le idea. Un persona scribe un cosa, un altere lo meliora un pauco, e assi Wikipedia continua a perfectionar se con le passage del tempore. Si tu lo trova utile hodie, imagina quanto nos pote complir insimul in 5, 10, 20 annos!

Wikipedia es un question del poter de personas ordinari de facer cosas extraordinari. Personas como nos scribe Wikipedia, parola a parola. Personas como nos lo financia. Es le prova de nostre potentia collective de cambiar le mundo.

Nos debe proteger le spatio ubi se realisa iste obra importante. Nos debe proteger Wikipedia. Nos vole mantener lo gratuite e libere de publicitate. Nos vole mantener lo aperte: tu pote usar le information in Wikipedia in omne modo que tu vole. Nos vole que illo continua a crescer, diffundente cognoscentia ubique, e invitante participation de omnes.

Le Fundation Wikimedia es le organisation sin scopo lucrative que io creava in 2003 pro operar, cultivar, nutrir e proteger Wikipedia. Pro dece milliones de dollares statounitese per anno e con minus de 35 membros del personal, illo executa le quinte sito le plus popular de tote le mundo. Io pete tu adjuta a fin que nos pote continuar nostre labor.

Imagina un mundo ubi cata persona super le planeta ha accesso libere al totalitate del cognoscentia human. Ecce nostre objectivo. E con tu adjuta, nos lo attingera.

Gratias pro usar Wikipedia. Tu face parte de iste historia: per favor face un donation hodie.

Jimmy Wales

Fundator de Wikipedia