Fundraising 2012/Translation/GorillaWarfare appeal/mk

Banner

• Прочитајте:
  Лично обраќање на
  учесник со 18.000 уредувања

Appeal

Од учесник на Википедија

Јас сум студентка. Учебниците за еден семестар ме чинат $500. На Википедија бесплатно добивам информации како за илјадници книги.

Затоа не сум само читател на Википедија, туку и учествувам во нејзиното создавање. Многу ми значи овој ресурс да биде достапен за сите, бесплатно. Со 470 милиони читатели месечно, Википедија има голема важност за многу луѓе ширум светот.

Википедија требаше уште одамна да се распадне. Функционира на консензус, за разлика од практично секоја друга заедница. Нема вистинска централна управа и нема извршен одбор што носи одлуки за секое уредување и секое начело. Напротив, овој извор на знаење го гради една одлична заедница од доброволци, и истиот ни стои на располагање бесплатно и без реклами.

Со ваквиот начин на работа, нашата заедница од милиони уредници заеднички создава енциклопедии на 283 јазици, со вкупно 20 милиони статии.

Сето ова го постигнуваме со многу мал буџет, споредено со другите најпосетувани мрежни места. За да можеме да работиме, потребна ни е стабилна инфраструктура: опслужувачи, сообраќај, програмери, па дури и правници за да ни ја штитат самобитноста. Сите финансиски средства доаѓаат од читателите на Википедија. Можеби мислите дека неколку долари се само капка во море, но токму тоа ни овозможува да опстанеме и да продолжиме со работа.

Многу ви благодарам.