Wikipedia al Luna

From Meta, a Wikimedia project coordination wiki
This page is a translated version of the page Wikipedia to the Moon and the translation is 100% complete.
Home Phase 1: scenarios Phase 2: voting Phase 3: working Phase 4: wrap-up About FAQ
  done done done done    

Un gruppo de enthusiastas del scientia de Berlin, Germania, plana inviar lor proprie rover al Luna. E illes vole prender Wikipedia con illes. In le anno del 15te anniversario de Wikipedia, nostre communitate global de editores es invitate a preparar le plus grandiose capsula del tempore (e spatio) del cognoscentia.

Wikipedia al Luna  in synthese

Il ha passate 40 annos post que Voyager 2 prendeva un message del humanitate al spatio exterior con su "Disco Auree". Illo contineva salutes, alicun sonos e imagines, sed non le summa del tote le cognoscentia.

Le Part-Time Scientists (Scientistas a Tempore Partial) es un del cinque equipas que compete in le defia Google Lunar XPRIZE. Su objectivo es attinger le Luna in 2027, atterrar su rover securmente in le superfacie, facer lo conducer 500 metros e inviar imagines al Terra. Il non ha multo spatio in le vehiculo pro cosas a portar. Typicamente, illo, appellate payload, es usate pro experimentos scientific. Le rover pro le Luna que construe le Part-Time Scientists ha spatio pro alicun experimentos, sed illo etiam veni con un disco de datos que ha essite offerite per le Capitulo de Wikipedia German, Wikimedia Deutschland, pro usar Wikipedia.

Pro que non simplemente prender un discarga de Wikipedia e poner lo in le disco? Proque le spatio del disco disponibile es multo limitate e poterea non mesmo continer un del versiones del linguas plus grande - mesmo sin historia de versiones o files multimedia. Plus importantemente, Wikipedia es un projecto vermente global e al presente monstra contento in quasi 300 linguas. Mesmo si solmente un snapshot de Wikipedia pote esser prendite al Luna, su contento esserea equal al genuin snapshot del "summa del tote le cognoscentia human". Assi, illo debera portar non solmente le qualitate del labor del communitate de Wikipedia, sed etiam su diversitate cultural, su differente perspectivas, e multe voces.

Como facer lo? Como decider? In Wikimedia Deutschland, nos pensa que le melior modo de decider super un snapshot de Wikipedia que viagia in le spatio es recurrer al punctos forte de su principios basic: Isto es un presente de anniversario a omne communitates de Wikipedia in tote le mundo. Discute nos como un movimento global e collabora nos in le wiki. Illo es un defia unic ipse, proque nunquam ante tote le communitates de Wikipedia al mesme tempore ha essite invitate a decider e laborar in un projecto con spatio limitate ... e tempore limitate. Pro attinger le data limite pro le payload del rover, nos debe laborar con un data limite de edition etiam. Nostre objectivo es haber finalisate le discussiones del communitate, discussiones, decisiones e preparationes de contento al Die International del Voluntarios (5 decembre) 2016:

5 decembre 2016. 39 million articulos, 300 linguas, milles de editores. Un disco con circa 20 GB de spatio de datos.

Iste sito in Meta-Wiki ha essite designate pro facilitar le processo usque Wikimania Esino Lario in junio 2016. In ille tempore nos necessita attinger un decision in como proceder como un communitate global e in le communitates de nostre respective linguas. Isto es un valente interprisa! Per favor lege toto super su detalios in le sectiones About e FAQ.

Prende nos Wikipedia al Luna! Nos necessita vostre opiniones e ideas in le discussion in curso de possibile scenarios de labor. Per favor edita!

Vide etiam