Help:Unification de contos

From Meta, a Wikimedia project coordination wiki
This page is a translated version of the page Help:Unified login and the translation is 100% complete.
Shortcut:
H:UL
Un conto global, etiam appellate conto Wikimedia unificate o SUL (Single User Login, conto a usator unic), es un nomine de usator unic, reservate in tote le projectos de Wikimedia (excepte certe wikis special, p.ex. Wikitech). Cata usator ha assi un identitate consistente in omne parte de Wikimedia con un pagina de usator global. Isto te protege contra le usurpation de identitate e automaticamente mantene tu session aperte sur multe projectos wiki. Tu pote aperir session manualmente con tu conto global a partir de qualcunque wiki public de Wikimedia.

A proposito del unification de contos

Que es?

Le Fundation Wikimedia conduce multe wikis modificabile in multe linguas. Le usatores debeva traditionalmente crear un conto separate pro cata wiki. Isto rendeva plus difficile participar a multe wikis, particularmente post le integration con Wikimedia Commons pro multimedia e con Wikidata pro ligamines interwiki.

Le systema de contos global resolve iste problemas per le reservation de tu nomine in tote le wikis (de sorta que nemo pote usurpar tu identitate). Un conto local es create automaticamente pro te quando tu visita un wiki pro le prime vice.

Como unificar tu contos

Le contos de usator es ora global per predefinition; non es necessari facer alcun cosa. Le contos ancian debeva esser unite manualmente visitante Special:MergeAccount.

Tu pote Special:CentralAuth pro vider detalios sur tu conto global. Le adresse de e-mail e le contrasigno que tu configura sur Special:Preferentias essera usate sur tote le wikis. Isto significa que tu pote aperir session sur qualcunque projecto public de Wikimedia con solmente un nomine de usator e contrasigno.

Lo que cambia

Le registration de un nomine de usator in qualcunque wiki de Wikimedia automaticamente reserva ille nomine in tote le alteres; isto vole dicer que altere usatores non pote plus registrar le mesme conto in altere wikis. Le usatores debe definir e confirmar lor adresse de e-mail solmente in un conto. Le cambiamento del contrasigno in un del wikis lo cambia equalmente in tote le wikis. In ultra, le pagina Special:UserLogin ora aperi session in tote le wikis unificate insimul. Nonobstante, si tu sorti del pagina de apertura de session ante que le processo ha finite, le apertura de session pote esser incomplete: si le processo JavaScript es interrumpite, es possibile que tu non entra in tote le wikis.

Altere wikis essera addite al conto del usator al momento del prime visita, e un conto local essera create sur ille wiki. Per exemplo, un usator regular de Commons e del Wikipedia in germano non habera automaticamente un session aperte in Wikibooks in interlingua, ma si un tal usator visita le Wikibooks in interlingua un vice durante que le session es aperte, a partir de iste momento, ille aperira session in Wikibooks in interlingua cata vice. (Pro vider le wikis in que tu ha aperite session, vide Special:CentralAuth).

Lo que non cambia

  • Alcun cosas remane local:
    • Le derectos de usatores es local pro le major parte, lo que significa que le administratores non habera ubique le accesso de administrator. Le gruppos global, como revertitor global, administrator global, modificatores del interfacie global, e un exemption global de blocada IP, pote esser demandate in Steward requests/Global permissions.
    • Le preferentias del usator es local, ben que le adresse de e-mail debe solmente esser definite e confirmate in un singule loco. Tu pote continuar a haber differente preferentias in cata sito, ma es etiam possibile definir preferentias global.[1]
    • Le blocadas es local; isto vole dicer que le usatores blocate sur un wiki non essera blocate sur altere wikis, si non alteremente blocate per un administrator sur ille wiki. Nonobstante, si un conto es blocate globalmente illo es blocate sur tote le wikis public.
  • Le usatores pote ancora haber contos con differente nomines in duo sitos; nonobstante, iste contos non essera ligate pro le unification de contos.
  • Le systema de unification de contos es solmente disponibile pro le sitos aperte del Fundation Wikimedia; le sitos que executa le mesme software wiki ma non es sub gerentia del Fundation continuara a haber systemas de contos separate, mesmo si illos ha installate le extension CentralAuth, le qual es responsabile pro le systema de unification de contos.

Resolution de conflictos

Vide etiam: Annuncio del termination de apertura de session pro usatores singule

Le systema fusionara automaticamente contos con nomines identic si illos ha le mesme adresse de e-mail authenticate, o le usator pote fornir su contrasigno correcte.

Post que le registration ha essite separate pro cata wiki durante longe tempore, existe multe nomines de usator identic que pertine a personas differente in cata projecto. Le nove systema permitte solmente un nomine de usator, ergo existe alcun casos in le quales le contos debe esser renominate. Isto debe esser facite manualmente per un steward (vide Steward requests/Username changes).

Le usatores pote cercar collisiones ante de fusionar usante Special:CentralAuth.

Folio a questiones

Pote mi nomine de usator global esser renominate?

Si. Tu pote demandar cambiamentos de nomine con iste formulario o per inserer un demanda in Steward requests/Username changes, ubi un steward o "renominator global" examinara tu demanda. Vide le politica de renomination global pro detalios.

Io ha duo o plus contos con nomines differente. Pote illos esser fusionate in un conto?

No, ma nota que le nomines de usator in le major parte del projectos individual pote esser renominate in avantia.

Alcuno usa mi nomine in un altere wiki. Como obtene io iste conto?

Le existentia del altere conto non necessarimente te impedi de obtener le nomine global. Nonobstante, es possibile que tu non ha un interesse prevalente in iste nomine de usator si, per exemplo, le altere usator ha un plus grande numero de modificationes o es membro de certe gruppos como administratores o bureaucrates. In tal caso, tu probabilemente debe peter que le altere persona renomina voluntarimente su conto, o forsan tu debe renominar le tue.

Tu pote placiar un requesta sur Steward requests/Username changes de "usurpar" un altere nomine que es jam in uso.

Esque io habera le stato "autoconfirmate" in altere wikis?

No. Tu debera attender durante le periodo appropriate de tempore post que tu ha primo aperite un session in cata wiki particular, ante que tu recipera le stato de conto autoconfirmate.

Esque io pote fusionar contos a partir de wikis restringente le creation de contos?

No, isto non es possibile. Isto es pro impedir que un usator crea un conto in un wiki aperte e alora lo fusiona con un wiki restringite, lo que permitterea le accesso al wiki restringite.

Proque se claude mi session sur un altere wiki de MediaWiki post que io ha aperite session?

Isto non es un fallimento del systema de unification de contos. In general, le causa es que le navigator limita le portata del cookies que le systema pone sur tu navigator, impediente le session.

Nota que cata insimul de wikis del mesme familia ha un differente nomine de dominio de base, p.ex. wikipedia.org, wikimedia.org, wikisource.org, etc., e le cookies es definite per dominio. Si tu session falle continuemente, considera mitter un reporto de defecto sur Phabricator.

Vide tamben: Como reportar un defecto.

Vide etiam

Annuncios e novas

(in anglese)

Notas