Мета:Үҙенсәлектәр

From Meta, a Wikimedia project coordination wiki
This page is a translated version of the page Meta:About and the translation is 100% complete.
Wikimedia Meta-Wiki

Participate:

Викимедианың Мета-вики проектына (Wikimedia Meta-Wiki) рәхим итегеҙ, уны Викимедиа проекттарын координациялау вики-сайтында йыш ҡына ябайлаштырып Мета-вики йәки Мета (Meta) тип йөрөтәләр.

Тәғәйенләнеше

Мета-вики бер-береһе менән бәйле һәм төрлө ҡатнашыусыларҙы йәлеп иткән өс мәсьәләне хәл итә:

  1. Викимедиа проекттары тормошо йүнәлештәренә төрлө ҡараш һәм бәхәстәр, айырыуса, бар проекттарға ҡағылған ҡағиҙәләр буйынса фекер алышыу, мәҫәлән, асыҡ контентты лицензиялау. Был һорауҙар буйынса бәхәсләшеү үҙәге — Викимедиа форумы. 2009 йылда юғары кимәлдәге фекер алышыу өлөшө айырым Strategy Wiki вики-проектына айырыла.w3w3w
  2. Тел-ара (кросс-вики) һәм халыҡ-ара координациялау урыны, тәү сиратта, Викимедиа проекттарына һәм Викимедиа хәрәкәтенә төбәлә, инглиз теленән башҡа телдәрҙә лә бәхәсләшеү мөмкинлеген бирә. Бында төрлө һорауҙар (Викимедиа мәсьәләләре һәм тышҡы вики-сайттар буйынса), тәржемәләр һәм яңылыҡтар, шулай уҡ Викимедиа Фонды йәки төрлө партнёр ойошмалар менән бәйле вики-осрашыуҙар хаҡында яҙмалар. Бында шулай уҡ отчёттар, ваҡиғалар, тышҡы бәйләнештәр һәм гранттар инә.
  3. Викимедиа проекттары хаҡындағы шәхси эссе өсөн форум. Бындай проекттар нейтраль ҡараш тураһындағы ҡағиҙәне һаҡлауҙы талап итмәгәс, төрлө фекерҙәр ағымдағы һорауҙар нейтраль битендә, TIPAESA йәки IPA форматтарын ҡулланып, берләшергә тейеш. Бында Викимедиа проекттарына ҡайһы һорауҙар ҡарауы буйынса ниндәйҙер дәрәжәлә ирек бар, — был Мета-викины meatball: вики тибының төрө итә, бында вики-мәҙәниәт, тәртип өлгөһө һ.б. буйынса фекер алышыу бара. MediaWikiны документлаштырыу һорауҙары күбеһенсә төшөрөлгән (артабан ҡара). Был роль эсенә шулай уҡ фекер алышыуҙы рәсми тикшереү инә.

Категориялар системаһы Мета-вики йөкмәткеһен тулыраҡ күрһәтә.

Нимә Мета-викиға ҡағылмай

  1. Был сайт Википедияның башҡа тел бүлектәрендә ҡабул ителмәгән мәҡәләләр өсөн түгел.
  2. Бында MediaWiki программа тәьминәтен яҙыу өсөн урын түгел, бының өсөн MediaWiki.org адресы буйынса махсус вики бар. Был темаға бында ҡалған биттәр transferred күсерелергә тейеш.

Төркөмдәр

Мета-вики төркөмөнөң тәғәйенләнеше тураһында һорауҙар тыуа. Бында Викимедиа төркөмдәренән айырым ниндәйҙер төркөм юҡ, кемдер әйтмешләй: «мета-проект — Викимедиа-проекттары өсөн һәм эргәһендә килеп сыға , үҙ аллы түгел — төркөмдәр төркөмө, ябыҡ бәләкәй утрауға оҡшамаған.»[1]

Мета-вики шулай уҡ — ул күп фекер алышыуҙар, процесстар һәм Металағы төрлө ҡатнашыусылар һәм яуаплы кешеләр (әгәр булһа) менән башҡа эшмәкәрлек — мәҫәлән, ҡайһы бер Викимедиа комитеттары, стюардтар, гранттар бүлеү өсөн яуаплы Фонд эшселәре, һәм башҡа — барыһы ла бергә. Мета — ҡатнашыусыларҙың (Викимедиасылар) маҡсаттарын тормошҡа ашырыр урын һәм ҡоралы; Мета үҙ аллы әһәмиәткә эйә түгел, һәм, әлбиттә, ҡатнашыусыларға һәм башҡа проекттарға йоғонто яһай алмай.

Теүәл әйткәндә, Мета-викила урындағы берләшмә бар: даими бер йәки бер нисә эшмәкәрлек төрөндә ҡатнашҡан («баҡсасылар» кеүек) ҙур булмаған кешеләр төркөмө, Мета үрҙә күрһәтелгән ролен уйнаһын өсөн, тыуған бәхәстәргә ҡушыла ала.[2]

«Метапедист» (Metawikian) — «Мета-вики төркөмө» ҡатнашыусыһына ҡарата ҡулланылған исем, әүҙемлеге бында күҙәтелгән Метаның даими ҡатнашыусылар төркөмө, — мәҫәлән, биттәр төҙөп, фекер алышыу һәм процесстарҙа ҡатнашып, файҙалы һәм уңышлы үтеүен тәьмин итә.

Тарих

Был проект 2001 йылдың ноябрендә «Мета-Википедия» булараҡ төҙөлгән, һәм яңы викиға бар мета-мәғлүмәттәрҙе (веб-сайт һәм Википедия ҡатнашыусылары) күсереп, ысын эстәлегенә ҡаршы (энциклопедия мәҡәләһе) Википедияның инглиз теле бүлеген «таҙартып» барлыҡҡа килә. Википедиянан айырым MediaWiki движогына күскәс, Мета Викимедианың бөтә тел төркөмдәре ҡулланған күп телле бәхәсләшеү форумына әйләнә. Тел бүлектәре һәм Викимедиа проекттарының күбәйеүе, тәржемә талап иткән биттәр һанф артыуы Мета-вики роленең артыуы һәм сиктәре киңәйеүенә алып килә. Хәҙерге ваҡытта Мета үҙ эсенә 142 311 бит ала. Күп иҫке биттәр һаман да Википедияның үҙенсәлекле билдәмәләләр булһа ла, был хәл Викимедиа проекттарының барыһына ла ҡағыла тиерлек.

Мета-вики ҡағиҙәләре

Шулай уҡ ҡарағыҙ

Иҫкәрмәләр