Fundraising 2010/Appeal/pms

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).
General Fundraising Translation Guidelines: Fundraising 2010/Translations.

Mi i arseivìa un mucc d'ociade ëd compatiment des agn fà quand ch'i j'era partì a parlé a la gent ëd Wikipedia.

Disoma mach che quaich gent d'afé a chërdìo pa a la possibilità che dij volontari da tut ël mond a vniìsso ansema për creé un bon ansema dla conossensa uman-a - tut mach për ël propòsit ëd condivide.

Pa gnun-e reclam. Pa gnun profit. Pa gnun pian.

Des agn d'apress ëd soa fondassion, pi che 380 milion ëd përson-e a dòvro Wikipedia minca meis - almanch un ters dël mond colegà a la Ragnà.

A l'é ël 5nt pi popolar sit web dël mond. J'àutri quatr a son stàit fàit e mantnù con miliand ëd dòlar d'investiment, na gran echip ëd përsonal e na gran reclama.

Ma, Wikipedia a l'é pa com un sit comercial. A l'é na creassion ëd la comunità, scrivùa da dij volontari ch'a fan na vos për vòta. Ti it ses part ëd la comunità. E mi i të scrivo ancheuj për ciamete ëd sosten-e e apogé Wikipedia.

Ansema, noi i podoma tnila sensa cost e sensa reclam. I podoma tnila doverta - it peule dovré le anformassion ëd Wikipedia an minca manera it veule. I podoma fele chërse - spantié la conossensa dapërtut, e anvité mincadun a partecipé.

Minca agn a sta vira, i surtoma për ciamé a ti e a tùit ant la comunità ëd Wikipedia ëd giuté a apogé nòsta imprèisa comun-a con na modesta donassion ëd 20, 35, 50 o pi $.

S'i të stime Wikipedia com na sorziss d'anformassion - e na sorziss d'ispirassion - mi i spero ch'it serne ëd fé ël giust adess.

Tante bele ròbe,

Jimmy Wales

Fondator, Wikipedia

P.S. Wikipedia a l'é ël podèj dle përson-e ch'a veulo ch'i faso còse straordinarie. Le përson-e a veulo ch'i scrivo Wikipedia, na paròla a vira. Le përson-e a veulo sostnine, na donassion a vira. A l'é la preuva dël nòst potensial coletiv ëd cangé ël mond.