Fundraising 2010/Appeal/tpi

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).
General Fundraising Translation Guidelines: Fundraising 2010/Translations.

Tenpela yia igo pinis, taim mi laik tokaut long aidia bilong mi olsem Wikipedia, planti manmeri i lukluk kranki long mi.

Sampela ol lain bilong bisnis i daunim tok olsem planti manmeri long olgeta hap bilong wol bai wok wantaim long kirapim wanpela traipela maunten bilong kainkain save. Na ol bai wok fri tu, bilong apim gutpela sindaun bilong olgeta manmeri.

I no bilong salim ol samting. I no bilong kisim mani. I no bilong grisim husait nabaut.

Bihain long tenpela yia, i winim 380 milien manmeri save yusim Wikipedia long wanwan mun. Olsem wanpela long wanwan tripela manmeri husat i yusim Internet long wol.

Emi namba 5 long wol. Na narapela fopela oli kirapim wantaim planti bilien kina, na oli baim planti ol wokmanmeri, na oli save wokim hamas ol ad nabaut.

Tasol Wikipedia emi no olsem. Emi wanpela samting bilong ol manmeri stret, na ol i raitim wanpela wanpela pes tasol. Na yu tu, yu stap insait long dispela lain. Na tete mi raitim dispela liklik pas bilong askim yu long strongim na halivim Wikipedia.

Yumi inap holim Wikipedia istap na noken tingting long kisim ol ad o pe bilong ridim i kam insait. Yumi inap holim em istap op – olsem yu inap yusim ol save insait long Wikipedia long wanem pasin yu laikim. Yumi inap kirapim em yet bilong salim ol save i go long olgeta hap, na askim ol manmeri long olgeta hap long wok wantaim.

Long dispela taim bilong wanwan yia, mipela save askim yu na olgeta manmeri bilong Wikipedia long halivim wantaim liklik mani olsem K20, K35, K50 o antap yet.

Sapos yu laikim Wikipedia olsem emi gutpela hap bilong kisim save – na bilong kisim aidia – mi laik tingting olsem yu bai laik halivim nau tasol.

Tenkyu tru,

Jimmy Wales

(Man husat i kirapim stret Wikipedia)